Search This Blog

May 26, 2008

မြန်မာပြည်အတွက်မျှော်လင့်စရာ

ဆုံဆည်းရာ

ဆုံဆည်းရာ: "မြန်မာနိုင်ငံတွက် မျှော်လင့်ချက်
၂၃ရက် မေလ တွင် နအဖမှ နိုင်ငံခြားသား ကယ်ဆယ်ရေးအဖွဲ့ ဝင်အားလုံးအား မြန်မာပြည်ထဲ ၀င်ခွင့်ပေးရန် သဘောတူညီကြောင်း ဘန်ကီမွန်းမှ ထုတ်ပြန်ကြေငြာသည် [1] ။ ယူအန်အဖွဲ့ ဝင်များလာတိုင်း မျောက်ပြဆန်တောင်း လုပ်တတ်သော ၊ အရှက်မရှိ အတုအပများကို နေရာချထားတတ်သော နအဖမှ ထိုသို့သော် သဘောတူညီချက်ပေးလိုက်သည် ဆိုခြင်းမှာ သတင်းကောင်းဟု ခေါ်နိုင်သော်လည်း အလွန်တော့ ယုံရခက်ပါသည် ။

ရွှေဝါရောင်တော်လှန်ရေးအချိန်ကာလက ဂန်ဘာရီနှင့် နေပြည်တော်တွင် တွေ့ ဆုံဆွေးနွေးပွဲများလုပ်ခါ ဂန်ဘာရီကြီးအား နအဖမှ ဖလှဲတကင်း ပြုံးရွှင်နှုတ်ဆက်နေစဉ် ၊ ရန်ကုန်မြို့ နှင့် တခြားမြို့ များတွင် ဘုန်းကြီးများ ၊ ပြည်သူများကို ဖမ်းစီးခြင်းများ ၊ ဘုန်းကြီးကျောင်းများကို ၀င်ရောက်ရှာဖွေ ချိတ်ပိတ်ခြင်းများကို နောက်ကွယ်မှ အင်အားမြှင့်တင်ပြီး လုပ်ခဲ့ကြသည် ။ ထိုသို့ ယူအန်မှ အကြီးအကဲများကို သဘောတူညီချက် ကတိ စသည်တို့ကို ပြီးပြီးရောဆိုသလို မျက်နှာပြောင်တိုက်ပြီး ကောက်ကျစ်ယုတ်မာသော နအဖက ပေးခါ ၊ သူတို့ပြန်သွားချိန်တွင်တော့ မြန်မာနိုင်ငံကို ချယ်လှယ်ချင်သလို ချယ်လှယ်ခဲ့သည်မှာ အတိတ်တွင် မရေမတွက်နိုင်အောင် ဖြစ်ပျက်ခဲ့ဖူးပြီး ဖြစ်သည် ။

ဘန်ကီမွန်း၏ နောက်ဆုံး ထုတ်ပြန်ကြေငြာချက်တွင် စစ်အစိုးရသည် နိုင်ငံတကာ၏ ပူးပေါင်းကယ်ဆယ်ရေးလုပ်ငန်းများကို လျောလျောရှူရှူ လက်ခံတော့မည်ဟု မျှော်လင့်မိကြောင်း ပြောကြားခဲ့သည် [1] ။ မြန်မာနိုင်ငံ အိမ်နီးချင်းနိုင်ငံများတွင် အသင့်စောင့်ဆိုင်းနေကြသော ကယ်ဆယ်ရေးအဖွဲ့ ဝင်များသည် နအဖမှ မီးစိမ်းပြသည်နှင့်တပြိုင်နက် ချက်ချင်းဝင်နိုင်ရင် အသင့်ပြင်ထားကြပြီးသား ဖြစ်ပေသည် ။ အကယ်၍ ဤစစ်အစိုးရသည် ဘန်ကီမွန်းပြောသလို တကယ်လက်ခံလိုစိတ်ရှိခဲ့သော် အဘယ်ကြောင့် ခုချိန်ထိ မြန်မာပြည်ထဲသို့ နိုင်ငံခြားကယ်ဆယ်ရေးအဖွဲ့ ဝင်များ အလုံးအရင်းနှင့် မ၀င်ရောက်နိုင်သေးသနည်း ။

“နိုင်ငံရေးပိုင်း ဆက်နွယ်မှုမရှိဘဲ ၊ ဘာမှ တန်ပြန်တောင်းဆိုမှုမရှိသော (no strings attached) ကယ်ဆယ်ရေးအဖွဲ့ ဝင်များအားလုံးကို ကြိုဆိုကြောင်း” သိန်းစိန်က ထုတ်ပြန်ကြေငြာခဲ့သည် [2] ။ ထိုသို့ဆိုလျှင် အဖွဲ့ အစည်းတိုင်းကို နိုင်ငံရေးဆက်နွယ်မှု ရှိမရှိ စသည်ဖြင့် အသေးစိတ် လိုက်လံစစ်ဆေးပြီးမှ လက်ခံမည်ဟူသော သဘောသက်ရောက်နေသည် ။ ထို့အပြင် မြန်မာရေပိုင်နက် အနီးတ၀ှက်တွင် အသင့်ရှိနေပြီဖြစ်သော စစ်သဘောင်္ စစ်လေယာဉ်များကို ၀င်ခွင့်မပေးနိုင်ပါဟုလည်း ပြောကြားခဲ့သည် ။ ထိုင်းနိုင်ငံရှိ Utapao air base တွင် အခြေစိုက် စောင့်ဆိုင်းနေသော အမေရိကန်လေတပ်မှ ကယ်ဆယ်ရေးအဖွဲ့ တာဝန်ရှိသူက “မြန်မာဘက်က သူတို့ကို ပေးဝင်ချင်တဲ့အချိန်တိုင်း ၀င်ဖို့ အဆင်သင့်ဖြစ်နေပြီး ၊ သူတို့မှာ နိုင်ငံရေးပိုင်း ပတ်သက်လိုစိတ် လုံးဝမရှိကြောင်း ၊ လူသားချင်းစာနာထောက်ထားခါ အကူအညီများပေးနိုင်ရန် အခွင့်အရေးကိုသာ မျှော်လင့်မိကြောင်း” တောင်းပန်တိုးလျှိုးသော လေသံနှင့် ပြောတာ ဖတ်ရဖူးသည် ။ သို့ပါသော်လည်း သန်းရွှေနှင့် အပေါင်းပါများ၏ အသည်းနှလုံးများကတော့ သံ နှင့် ထု ထားသည် ထင်ရလောက်အောင် မာရည်ကျောရည် ရှိလှ၏ ။ အသည်းနှလုံး မရှိတော့ဖူးလားဟု ထင်ရလောက်အောင် ရက်စက်ယုတ်မာစွာ ခုချိန်ထိ ကယ်ဆယ်ရေးပစ္စည်းများ အများအပြားပါဝင်သည့် မြန်မာပြည်သူတို့ကို အလျှင်အမြန် အကူအညီပေးနိုင်မည့် ထို စစ်လေယာဉ် စစ်သဘောင်္များကို ၀င်ခွင့်မပြုပေ ။

ယူအန် ၊ အာစီယံ ၊ အမေရိကန် ၊ အင်္ဂလန် စသော နိုင်ငံကြီးများသည် ရွှေဝါရောင် တော်လှန်ရေးတုန်းကလည်း နအဖ အပေါင်းပါများ၏ လုပ်ရပ်များကို ပြစ်တင်ရှုံ့ ချခဲ့ယုံမှလွဲ၍ ဘာမှ မလုပ်ခဲ့ ။ ဂန်ဘာရီ၏ ခရီးစဉ်များသည် အခေါက်ခေါက် အရေအတွက်သာ ရှိခဲ့ပြီး ဘာမှ အကျိုးမထူးခဲ့ ။ ယူအန်မှ သူတို့၏ ပါဝင်မှုလုပ်ငန်း မအောင်မြင်ခဲ့ဟု ထုတ်ဖော်ပြောကြားခဲ့ပြီး ၊ မြန်မာပြည်မှ သေဆုံးရသော ရဟန်းပြည်သူတို့အကြောင်း မေ့လျော့သွားခဲ့ကြသည် ။ အချိန်တွေကြာလာသည်နှင့်အမျှ မြန်မာပြည်သူတို့၏ ဆင်းရဲနွမ်းပါးလှသော ဘ၀များအကြောင်း ၊ ဖိနှိပ်ချုပ်ချယ်ခံရခြင်းများအကြောင်း ကမ္ဘာ့ သတင်းများတွင် မှေးမှိန်ပျောက်ကွယ်သွားခဲ့သည် ။

ယခုတဖန်လည်း နိုင်ငံခြားကယ်ဆယ်ရေးဝန်ထမ်းများ အားလုံးကို ပေးဝင်ပါမည်ဟူသော စကားတခွန်းနှင့် ဘန်ကီမွန်း မြန်မာပြည်မှ ပြန်ထွက်တော့မည်လား ။ နအဖ လိုက်ပြသော ဒီလိုမေးရင် ဒီလိုဖြေဟု ဟန်လုပ်ပြဖို့ ချိန်းခြောက်ခံထားရသော ဒုက္ခသည် တချို့ တလေကို တွေ့ ဆုံပြီး ဘန်ကီမွန်းမြန်မာပြည်ကို နောက်တခါ ကျောခိုင်းဦးမည်လား ။

ဘန်ကီမွန်း၏ ထုတ်ပြန်ကြေငြာချက်တွင် ဤသို့ ပြောခဲ့သည် - “I came here to give the people of Myanmar a message of hope that the world is watching, and that the world is with you.”

ဟုတ်ပါသည် - သူပြောသလို ကမ္ဘာသည် မြန်မာနိုင်ငံအား အမြဲလို စောင့်ကြည့်နေရုံမှတပါး ဘာမှ မလုပ်ခဲ့ ။ သူပြောသလို ကမ္ဘာသည် မြန်မာပြည်သူတို့အား အဝေးမှ အားပေးစကားများ ပြောကြားရုံမှလွဲ၍ ဘာမှ မလုပ်ခဲ့ ။ အနှစ်နှစ်ဆယ်နီးပါး ကြာမြင့်ခဲ့ပြီ ။ တကယ်တော့ ကမ္ဘာသည် မြန်မာနိုင်ငံအတွက် မျှော်လင့်ချက်ပါသော စကားလုံးများ ပေးရုံမှလွဲ၍ ဘာဆို ဘာမှ မလုပ်ခဲ့ချေ ။

သို့ပါသော်ကြောင့် ခုချိန်မှစ၍ ကျွန်တော်တို့ ကိုယ်ပိုင်အသိစိတ်ဓါတ်နှင့် အမိမြန်မာနိင်ငံအား နွံထဲမှ ကယ်ဆယ်ရန် ကိုယ့်အားကိုယ်ကိုး၍သာ လုပ်ရတော့မည်ဟူသော ယတိပြတ်ခံယူချက်များသာ ကျွန်တော်တို့တွက် မျှော်လင့်ချက်ရောင်ခြည်များအဖြစ် ကျန်ရှိနိုင်တော့မည် ဟု ကောက်ချက်ချလိုက်မိပါတော့သည် ။



References:
[1] Ban Ki-Moon's remarks to press at Sedona Hotel - http://www.un.org/apps/news/infocus/sgspeeches/search_full.asp?statID=248
[2] Myanmar welcomes "no strings attached" disaster relief - http://www.reliefweb.int/rw/RWB.NSF/db900SID/SKAR-7EYEUX?OpenDocument

May 19, 2008

EVERYBODY CAN SEE

လူတွေထင်ယောင်ထင်မှားဖြစ်အောင် ပြောမနေနဲ့
မင်းဘာလုပ်နေလဲ...။???
ကိုယ့်ကိုယ်ကို ပဲ သိမှာပဲ ။
အသိတရားဆိုတာ .....
ပညာတတ်ခြင်း မတတ်ခြင်းနဲ့မသက်ဆိုင်တာ
အမြင်ကျယ်တဲ့သူတိုင်းသိတယ် ။
မင်းဘာကောင်လဲ?။ ။ဘယ်သူမှစိတ်ဝင်စားစရာ မလိုဘူး ။
မင်းဘာတွေလုပ်နေလဲ ဆိုတာပဲ အဓိကကျတယ် ။

May 17, 2008

Global Action Day for Burma's Cyclone Victims (17-5-2008)

ဒေါက်တာလွဏ်းဆွေ ရဲ့ စာမျက်နှာမှ ကူးဖော်ပြပါသည်။
ကုလသမဂ္ဂ၏ စစ်ရေးအရ ၀င်ရောက်စွက်ဖက်ပိုင်ခွင့်
(Responsibility to Protect)
“အစိုးရတရပ်အနေဖြင့် မိမိပြည်သူများအပေါ် ကာကွယ်နိုင်စွမ်း မရှိတော့လျှင် လူမှုရေးကိစ္စ အခြေခံပြီး နိုင်ငံတကာ အသိုင်းအ ၀ိုင်းက စစ်ရေးနည်းဖြင့် ၀င်ရောက်စွက်ဖက်ခွင့် ရှိသည်။”


“ အစိုးရတရပ်အနေဖြင့် မိမိပြည်သူများအပေါ် ကာကွယ်နိုင်စွမ်း မရှိတော့လျှင် လူမှုရေးကိစ္စ အခြေခံပြီး နိုင်ငံတကာ အသိုင်းအ၀ိုင်းက စစ်ရေးနည်းဖြင့် ၀င်ရောက်စွက်ဖက်ခွင့် ရှိသည်ဆိုသည့် ကုလသမဂ္ဂလုပ်ပိုင်ခွင့် (Responsibility to Protect) သည် အစိုးရတရပ်က မိမိပြည်သူများအတွက် ကယ်ဆယ်ရေး အကူအညီများ လက်မခံဘဲ ငြင်းဆန်နေလျှင်လည်း အကျုံးဝင်သည်”
(သြစတြေးလျ နိုင်ငံခြားရေးဝန်ကြီးဟောင်း Gareth Evans ၏ ပြောကြားချက် - မေလ ၁၃၊ ၂၀၀၈)

သြစတြေးလျ နိုင်ငံခြားရေးဝန်ကြီးဟောင်း Gareth Evans သည် အစိုးရတရပ်အနေဖြင့် မိမိ ပြည်သူများအပေါ် ကာကွယ်နိုင်စွမ်း မရှိတော့လျှင် လူမှုရေးကိစ္စ အခြေခံပြီး နိုင်ငံတကာ အသိုင်းအ၀ိုင်းက စစ်ရေးနည်းဖြင့် ၀င်ရောက်စွက်ဖက်နိုင်ခွင့်ရှိသည်ဆိုသည့် ကုလသမဂ္ဂလုပ်ပိုင်ခွင့် (Responsibility to Protect) ကို ၂၀၀၅ နှစ်တွင် ချမှတ်နိုင်အောင် ဦးဆောင်စည်းရုံးခဲ့သူဖြစ်သည်။

“သဘာဝဘေးအန္တရာယ် ကျရောက်သည့် ကိစ္စမျိုးတွင် ထိုကုလသမဂ္ဂ လုပ်ပိုင်ခွင့်ကို အသုံးချနိုင်သလား ဆိုသည့် BBC Channel 4 ၏ အမေးကို စစ်ရေးနည်းဖြင့် ၀င်ရောက်စွက်ဖက်ရန် ဖြစ်နိုင်သည်ဟု ဗြိတိသျှ နိုင်ငံခြားရေးဝန်ကြီး David Miliband က အင်္ဂါနေ့တွင် ဖြေကြားခဲ့သည်။”
(ဗြိတိသျှ နိုင်ငံခြားရေးဝန်ကြီး David Miliband - မေ ၁၃၊ ၂၀၀၈)

Save Our People by Forced Humanitarian Intervention Immediately!!!
ကျွန်ုပ်တို့၏ နာဂစ်မုန်တိုင်းဘေးဒုက္ခသည် မြန်မာနိုင်ငံသားများကို အင်အားသုံး ၀င်ရောက်ကယ်တင်ရန် နိုင်ငံတကာ ကယ်ဆယ်ရေးတပ်များ အဆင်သင့် ဖြစ်နေပါပြီ။
အင်အားသုံး ၀င်ရောက်ကယ်တင်ပေးရေးအတွက် နိုင်ငံတကာရောက် မျိုးချစ်မြန်မာများအားလုံး မနက်ဖြန် Global Action Day for Burma's Cyclone Victims (17-5-2008) တွင် အင်တိုက်အားတိုက် တက်ညီလက်ညီ တောင်းဆို
ဆန္ဒပြကြပါစို့။

MoeMaKa Radio & Multimedia -ုသရသ - ငၝတိုႚက ကေဵာင်းသားဆ�

MoeMaKa Radio & Multimedia -ုသရသ - ငၝတိုႚက ကေဵာင်းသားဆိုးတွေ





Thursday, 15 May 2008

ငါတို့က ကျောင်းသားဆိုးတွေ
(မိုးမခ ကို ပေးတဲ့စာ)

သြရသ

မေ ၁၅၊ ၂၀၀၈

တက္ကသိုလ်ကြီးကို ဓာတ်ပုံလိုက်ရိုက်တယ်။ လွမ်းစရာပဲ။ ပုံတွေကို ပို့ပေးနေမယ်။ ငါတို့က ကျောင်းသားဆိုးတွေပါ၊ တက္ကသိုယ်တက်ခဲ့ပေမယ့် စာသင်ခန်းအပြင်မှာ နေခဲ့ရတဲ့ အချိ်န်တွေက ပိုများခဲ့တော့ … ငါတို့က ကျောင်းသားဆိုးတွေပေါ့။

လူမစုံတဲ့ စာသင်ခုံတွေက ထ ရပ်ပြီး ငါတို့ ထွက်ခွာခဲ့ကြ။ အခုတော့ အသဲတွေ အူတွေ မရှိတော့တဲ့ ကျောင်းကြီး … ပြီင်္းတော့ အသက်မရှိတော့တဲ့ ဧရာဝတီမှာ ငါတို့က ကျောင်းသားဆိုးတွေပေါ့ …။

တချို့ကျောင်းသားဆိုးတွေကတော့ မြစ်ဝကျွန်းပေါ်ကို ဆင်းသွားပြီ။ လမ်းမှာလည်း အလု ခံ ကြရတယ်။ လူဆိုး လူမိုက်တွေက အကူအညီတွေကို လုကြတယ်။ ပြီးတော့ အသည်းကြားက မပေးရသေးတဲ့ မဲ တပြားကိုလည်း လုသွားကြတယ်။

ငါတို့က ကျောင်းသားဆိုးတွေ ဆိုတော့ အရေခွံတွေ ထူတယ်။ မျက်ရည်တွေက ခန်းခြောက်ခဲ့ပြီ။ မဆလခေတ် ဆန္ဒခံယူပွဲတုန်းကလည်း မဲရုံထဲက၊ စာသင်ခန်းတွေထဲက သပိတ်မှောက်ပြီး ထွက်ခွာလာခဲ့ကြဘူးတော့ ငါတို့က ကျောင်းသားဆိုးတွေပေါ့။ မျက်ရည်တော့မရှိ ဒေါသတွေပဲ ရှိတယ်။

ဒေးဒရဲမှာဆို ငါတိ်ု့ကျောင်းသားဆိုးတွေမှာ လက်ပိုက်ပဲ ကြည့်နေရတယ်။ ရ၀တက ဆန်ဝေတယ်။ တရွာ အိတ် ၂၀။ စောင်တွေလည်း ဝေတယ်။ ရုံးချိ်န်ပဲ အလုပ်လုပ်တော့ ရွာတွေက ခြေလျင်လာရတဲ့ ပြည်သူတွေ မိုးစုန်းစုန်းချုပ်ချိန်မှ ပိတ်ထားတဲ့ ရ၀တရုံးရှေ့ကို ရောက်ကြရတယ်။ အဲဒီမှာ လက်ထဲမှာ ဗလာနဲ့ ငါတို့ ကျောင်းသားဆိုးတွေပဲ သူတို့နဲ့အတူ ရှိတော့တယ်။

ဆီမရှိတဲ့ ရွာစွန် ရွာဖျားက ဒုက္ခကို နေ့ရော ညပါ ကျောပိုးပြီး အသက်ရှုနေကြရတယ်။ မြို့ဆီမလာနိုင်။ ကားလမ်းနားနီးတဲ့ရွာတွေက လမ်းပေါ်မှာ မျက်ရည်တွေခင်းပြီး ထမင်းတလုပ်၊ ရေတမှုတ်ကို တောင်းစားနေရတယ်။ ငါတို့ ကျောင်းသားဆိုးတွေမှာ ဖောက်ပေးစရာဆိုလို့ လက်မောင်းသွေးတွေပဲ ရှိတယ်။

ငါတို့အားလုံး အိပ်မက်ဆိုးထဲမှာ လမ်းလျှောက်နေကြတယ်။ ငါတို့က တခါမှ မလိမ္မာဘူးခဲ့တော့ တက်တက်ကြွကြွပဲ။ ခေတ်အဆက်ဆက်က ကျောင်းသားဆိုးတွေချည်းပဲ ဒီမုန်တိုင်းကို အတူတူ ဖြတ်ကြရအုံးမယ်။


May 16, 2008

ပိုးနုပ၀ါ ကတ္တီပါလွမ်းချင်း


ဒါဟာ..အနှစ် နှစ်ဆယ်က ...အချစ်ကဗျာတစ်ပုဒ်
ဒါမှမဟုတ်..သင်ခန်းစာအပြည့်နဲ့ ဘ၀တစ်ဆုပ်စာ ဒဏ်ရာ
အဲဒီကဗျာမှာ ...
ဘ၀နဲ့ရင်းတဲ့သင်ခန်းစာတွေ သိမ်းထုပ်အိမ်ပြန်ခဲ့ရဖူးတယ် ...။...
အခုတော့လည်း...xxx...

အိပ်ရေးမ၀တဲ့ လမ်းပျက်နံရံတွေမှာ
ဒုက္ခသည်မကတဲ့ ဂျစ်ပစီမိုးတိမ်တွေချည်းပဲလေ...။
အုတ်ကျိုးတွေအောက်က....xx..ရေမျောကမ်းတင်ဘ၀..xx..
လူတွေစုံတဲ့လမ်းမထက်က,,,,ခြေဗလာကျောမွဲ...
ဂုန်နီဖက်ရှင်တွေလည်းတွေ့မယ် ...။..
ဘ၀ရှိနေတဲ့အသက်မှာ အရှက်မရှိဘူးလို့ပြောမလား ။???
ငါ့သိက္ခာ ၊အသက်အရှက်တွေ ငါ့အစွမ်းအတတ်တွေ
မိုးသည်းလေထာန်ကြား မျောသွားလေပြီလား ဘ၀ရေ..။...
အခုတော့လည်း..xxx..
လက်ခြေဗလာ နားခိုရာမဲ့ အားကိုးရာဆိုတာထက် ..လေ
ခေါ်စရာမိဘ မရှိတဲ့ဘ၀တဲ့လား..။...
မနက်ဖြန်အနာဂတ် လှပဖို့ထက် ...ဒီနေ့ မငတ်အောင်ဘယ်သူဆောင်ကြဉ်းမလဲ ...။
လမ်းမထက်မှာ မြင်တွေ့တဲ့ခဏ.....x..
စိတ်ပျက်လက်ပျက် အကြည့်ရက်စက်နဲ့
လက်တွန့်နှာခေါင်းရှုံ့ နောက်ဆုတ် မပြေးပါနဲ့ ။
အသိတရားထည့်ထား ပြန်စဉ်းစားလေ ..။...
ငါလည်း ဒီလိုဘ၀ နေချင်ပါ့မလားလို့ ...။????...
ဦးနှောက်၊နှလုံးသား ခြေလက်များလည်း သိမ်မွဲချိနဲ့ အနာဂတ်မဲ့လေပြီ ...။
ငါ...................ဘာများဖြစ်ခွင့်ရှိသေးလဲ ။....?
အခုတော့လည်း....x.
အသက်ကြီးလေမှ ကြုံရလေပြီ ဒီဘ၀ဒီအခြေ
ဘယ်လိုဆက်နေမယ် ခေါင်းပူရင်းစဉ်းစားကာရူး
မှီကိုးတွယ်တဲ့ မိသားစုနဲ့ ...ငါ့အရှက် ငါ့အသက် ငါ့သိက္ခာငါ့လက်တွေ
အနန္တအစွမ်းရှင် ငါပင်အိမ်ဦးလေ.....။..
ဆာလောင်ငိုရူး သမီးသားတစ်စုလည်း မျက်ရည်မိုးပြိုရက်
ငါ့ရင်အက်ပြီ ရေကြီးမုန်တိုင်းကျခဲ့သကိုး..။---
ဒီလိုနဲ့.......ငါ .........နာဂစ်ထဲမှာ
ပုပ်သိုးလု ထမင်းတစ်ခဲမှ ဖြစ်ခဲ့ရရဲ့လား?????
ပီနမ်အိတ်ခြုံတဲ့အငြိုးတရားနဲ့ မိုးသားတွေလား??????????
မဆိုင်သလိုနေတတ်တဲ့ နွမ်းညစ်ညစ် အဆင်ပြေမှုလည်း ဖြစ်ကောင်း ဖြစ်မယ်လေ..။။???
မျက်ရည်နဲ့ရေးဖို့ အလှည့်ကျနေရင် မျက်ရည်ကျမှ သမိုင်းကအရာထင်မယ် ...။...
ဘာအတွက်ရှာပြီး??? ဘာလုပ်မှာလဲ????
အဲဒီ အဓိပ္ပါယ်ဟာ မင်း လိပ်ပြာရဲ့ သိက္ခာအဆင့်အတန်းပဲ ....။...။
၁၅.၅.၂၀၀၈ Nargis Cyclone အမှတ်တရ
နွေလှိုင်ဿုန်း



May 14, 2008

အမိန့်အရ သူတောင်းစားကြီးများနှင့် သူခိုးကြီးများ အကြောင်း Democratic Voice of Burma:Burma News




Democratic Voice of Burma:Burma News



လှူဒါန်းမဲ့သူတွေ စိတ်ပျက်လက်ပျက် ဒေါသထွက်ရတဲ့ အဖြစ်တွေပါ ။ဒါပေမဲ့ ကိုယ်တိုင်အရောက်သွားပြီး လှူဒါန်းနေကြသူတွေလည်း အများအပြားရှိနေပါတယ် ။ဒါကြောင့်မို့ လှူဒါန်းတဲ့ ကိစ္စကို ယုံကြည်မှုနဲ့စိတ်စေတနာ ရှိတဲ့သူတွေသာ စိတ်ပြတ်ပြတ်သားသားနဲ့ လှူဒါန်းနိုင်ပါတယ် ။ဘာပဲဖြစ်ဖြစ် စိတ်မလျှော့ကြပါနဲ့ ။နောက်မဆုတ်ပါနဲ့ ။ပိုကောင်းမဲ့နည်းလမ်းတွေ ဆက်လက်ရှာဖွေပြီး ဒုက္ခရောက်နေကြဆဲ အမိမြေမှ ပြည်သူများကို ဆက်လက်ကူညီပေးကြပါလို့ မေတ္တာရပ်ခံ အပ်ပါတယ် ။

May 11, 2008

ဒုက္ခတောမှ လူသားများ



7.5.2008 Nargis Myanmar

8.5.2008 Nargis Myanmar


ဒီပုံတွေ ကိုအားလုံးကြည့်မြင်ပြီးဖြစ်မှာပါ ။ကျနော်စုစည်းမိထားတာလေးတွေကို တင်ပြတာပါ ။အဲဗျာ စိတ်မကောင်းစရာတွေ ထပ်ကြားရတော့ အဲဒီနိုင်ငံကို အုပ်ချုပ်တဲ့ကောင်တွေကို ရွံတယ် လူစိတ်မရှိဘူး ဆိုတာထက်ပိုတဲ့ စကားလုံးသုံးစရာရှာမရတော့ဘူး ။စာဖက်နေတဲ့သူကိုတော့ ကတော့ပါဗျာ ။အဲဒီကောင်တွေက စောက်ရှက်လည်း မရှိသလို ဦးနှောက်လည်း မရှိဘူး ။အကြောက်တရားက ပြည်သူတွေမှာတင်ရှိနေတာ မဟုတ်ဘူး ။အဲဒီကောင်တွေက ပိုအကြောက်ကြီးနေတယ် ။အခြေအနေက အရှင်းကြီး ပြောင်ပြောင်ကြီးပဲ ။ ပြည်သူတွေဘယ်ကောင်သေသေ နိုင်ငံတကာခုံရုံးမရောက်ဖို့ အရေးကြီးတယ် ။ပြည်သူတွေခေါင်းကိုနင်းထားနိုင်ဖို့လိုတယ် ။ကျနော်က ဒီလိုပြင်းပြင်းထန်ထန်ရေးနေလို့ နိုင်ငံရေးသမားလို့တော့ မထင်ပါနဲ့ ။ကျနော် သာမန်အရပ်သား ဘာကောင်မှမဟုတ်တဲ့ လူငယ်တစ်ဦးပါ ။ကိုယ့်တိုင်းပြည်နဲ့လူမျိုး ကိုတော့ အောက်မကျစေချင်သလို နိုင်ငံတကာအသိုင်းအ၀ိုင်းအလယ်မှာမျက်နှာလည်း မျက်နှာမငယ်စေချင်သူပါ ။ကိုယ်တိုင်ခံစားနေရတော့ နောက်မျိုးဆက်တွေ ကိုယ့်နိုင်ငံမှာ ကိုယ်ရင်ကော့ခေါင်းမော့ပြီး ကမ္ဘာကြီးနဲ့ တပြေးတည်း အဆင့်အတန်းမီမီ နေထိုင်ရှင်သန်နိုင်စေချင်တာပါ ။ '' မင်းတို့နိုင်ငံကို အလုပ်လာလုပ်ချင်လို့ လာလုပ်တာမဟုတ်ဘူး ။တာဝန်အရလာတာကွ ။ဒီလိုမျိုးအလုပ်နဲ့ ဒီလောက် လစာတော့ ငါတို့နိုင်ငံမှာလည်း လုပ်လို့ရတယ် သဘောပေါက်လား '' လို့ခပ်မာမာပြောနိုင်တဲ့ လူမျိုးဖြစ်စေချင်တာပေါ့ဗျာ ။အခုတော့ အားလုံးသိတဲ့ အတိုင်းပါပဲ ။နိုင်ငံခြားထွက် ကျွန်ခံနိုင်တဲ့သူကိုတောင် ကိုယ့်ပြည်တွင်းကလူတွေက အထင်ကြီး နေရသေးတယ် ။စိတ်ညစ်ညစ်နဲ့ အိပ်လိုက်ဦးမယ်ဗျာ ။

May 9, 2008

Nargis ကပေးတဲ့ အဆိုးအကောင်း(၂)


someone sent me sms one more ABC cyclill be coming sooner within 80hrs to Myanmar land side. Pls inform to ur family and ur friends as u can,ကဲ ဘယ်လိုလုပ်မလဲ ။လာဦးမယ် နောက်ထပ် ဒုက္ခတွေ.... တတန်းတစီကြီးကို ရောက်နေတော့တာပဲ ။ မြန်မာပြည်ကြီးတော့ ကံနိမ့်နေပြီ ။အစိုးရကလည်း လည်မြိုကိုနင်း ။လူထုတော့ အသေသတ်ခံရတာထက် ဆိုးတဲ့ဘ၀ပျက်မဲ့ကိန်း ဆိုက်နေပါပြီ ။ဒါပေမဲ့မနေ့က လေရှည်တာမပြီးသေးလို့ ဒီနေ့ထပ်ပြီး လျှာရှည်ပါရစေ။

ကျနော် ပြည်တွင်းကြားရတာတော့ ကျောင်းသူကျောင်းသားတွေကို စာမေးပွဲနဲ့ ခြိမ်းခြောက်ပြီး ထောက်ခံမဲကို အတင်းအဓမ္မ ယူတာကြားနေရပါတယ် ။အစိုးရ၀န်ထမ်းတွေ အတွက်တော့ရှင်းပါတယ် ။အလုပ်ထွက်မလား ထောက်ခံမလား ဒါပဲ ။အကုန်လုံးကို လည်မြိုနင်းပြီး ထောက်ခံမဲ အတင်းလုပ်ယူနေပါတော့တယ် ။စောင့်ကြည့်လေ့လာရေးအဖွဲ့ကိုလည်း အလာမခံတဲ့ကောင်တွေ အခုတော့ မှတ်ကရော ။နိုင်ငံတကာ အဖွဲ့အစည်းတွေ အကုန်ရောက်နေပြီ ။ဥာဏ်နီဥာဏ်နက် လေးတွေ ရှာပါဦး ။ထုတ်ပါဦး ။လုပ်ပါဦး ။ဒါကိုမှ ထပ်ပြီးရပ်တည်နိုင်သေးတယ် ဆိုရင်တော့ သွေးချောင်းစီးဦးမဲ့နောက်ထပ် လူထုတိုက်ပွဲ တစ်ခုကို ဒင်းတို့ကြိုဆိုရပါလိမ့်မယ် ။နိမိတ်ဖက်တာ မဟုတ်ပါဘူး ။ဒါဟာ ဘယ်လိုမှငြင်းလို့မရတဲ့ ကိစ္စပါ ။ရှင်းနေတာပဲ အခုတောင် လူတွေမှာ ဒုက္ခအကြီးအကျယ်ရောက်ရလှပြီ ။ရန်ကုန်မှာ စားစရာ မရှိတဲ့လူတွေ လုယက်ကုန်ပြီ ။အခြေအနေ အရမ်းဆိုးနေပါပြီ ။လူတွေမှာ သန်းခေါင်ထက်ညဉ့်နက်စရာ မရှိတော့တဲ့ အခြေအနေ ဖြစ်နေပြီ ။အသေသတ်လည်း ဆက်ချီတက်ကြတော့မဲ့ အခြေအနေ ကို ရောက်သွားပြီ ။မကျေနပ်တာတွေ ဘ၀နဲ့ရင်းပြီးချို့တဲ့ချိနဲ့နေရတာတွေ များနေပြီ ။ကဲ မိတ်ဆွေ ဘာလုပ်မလဲ ။ပါဝင်အားဖြည့် ပေးဆပ်ဖို့သာ အသင့်ပြင်ထားရတော့မှာပေါ့နော် ။ဒါပါပဲဗျာ ။ကျေးဇူးတင်ပါတယ် ။ ။

May 8, 2008

Nargis ကပေးတဲ့ အဆိုးအကောင်း

မြန်မာပြည်ကြီး Nargis မုန်တိုင်းကြီးကျလို့ လူတွေ သေကြကြေကြ ဒုက္ခပေါင်းစုံရောက်နေကြတယ်။ဘယ်ကအကောင်း ပါလာမလဲ ။ကောင်းပါတယ်လို့ကျနော်ပြောရင် မေတ္တာဝိုင်းပို့ကြမှာပေါ့နော် ။Sent at 5:16 PM on Thursday
ဒီမနက် ရန်ကုန်မြို့  ငါးဆယ့်တစ်လမ်းမှာ မီးလောင်ပါတယ် ။ရေတင်တာဖို့ မီးစက်မောင်းရာကစလောင်တာပါ ။
အဲဒီ သန်းရွှေဆိုတဲ့ တိရိစ္ဆာန်ကောင် အခုထိ နှစ်သိမ့်စကားလေးတောင်ပြောဖို့ထွက်မလာဘူး
ဘယ်နိုင်ငံက နိုင့်ငံခေါင်းဆောင်မှ ဒီလိုမလုပ်ဘူး ။ဒီလူတစ်သိန်းကျော်အသက်ပေးလိုက်ရတဲ့ တန်ဖိုးဟာ သူတို့ဆီကို မကြာခင်ကျလာတော့မယ် ။အစိုးရဆိုတဲ့အဓိပ္ပါယ်ဟာ တာဝန်ယူမှု၊ တာဝန်ခံမှုနဲ့ပေါင်းစပ်ထားတာ
ဒါတွေမလုပ်နိုင် ၊မလုပ်တတ် ၊ လုပ်ရကောင်းမှန်းလည်းမသိဘဲနဲ့ဆိုရင် ကိုယ့်နေရာကိုယ်အသာလေးဝပ်နေသင့်တယ် ။နစ်နာတာ တိုင်းပြည်၊ ပြည်သူလူထု ၊လူငယ်တွေရဲ့ အနာဂတ်တွေအကုန် တစစီပဲ ။UN ကသင်္ဘော ရန်ကုန်ဆိပ်ကမ်းကို ခုနေ့ လည် ၂နာရီက ရောက်လာပါတယ် ။ဒီနေ့ အမေရိကန်လေယာဉ်တွေ ၀င်ခွင့်ပေးလိုက်ပြီလို့ ဘန်ကောက်အမေရိကန်သံရုံး သတင်းက လာတယ် ။ အတည်ပြုနိုင်သော သေဆုံးသူ တသိန်းတသောင်းကျော်ရှိပါပြီ။ပျောက်ဆုံးစာရင်းမပါသေးပါဘူး ။ဒုက္ခတွေ အကုန်လုံး သိနေ ၊မြင်နေ ၊ကြားနေ ရပါတယ်ဒါပေမဲ့...

ဒီအချိန်ဟာ ရွေးကောက်ပွဲနဲ့ အလွန်နီးကပ်နေချိန်ပါ။နိုင်ငံခြားသားတွေကို အ၀င်မခံချင်ဘူး ။သူတို့ထင်ရာလုပ်ချင်တာ လွတ်လွတ်လပ်လပ် လုပ်နိုင်အောင်လေ။သူတို့လုပ်မဲ့ ရွေးကောက်ပွဲကြီးကို နိုင်ငံတကာ အဖွဲ့အစည်းတွေရှေ့မှာ ခင်းကျင်းပြရမှာလေ ။လိုက်ကြလေ လှလှကြီး ။အခုတော့ တစ်ကမ္ဘာလုံးက၀ိုင်းအုံကြည့်နေတဲ့အပြင် နိုင်ငံတကာလူမှုရေးအဖွဲ့အစည်းတွေ တရားဝင်ရောက်လာပြီ ။ လက်မခံလို့လည်း မရ ။မွဲတာကလည်း တာတေလန်နေပြီ။ကြွေးပတ်လည်နဲ့ဆိုတော့ စေတနာမရှိပဲ ဟန်ပြကူညီပြလို့လည်း မရ ။အရူးမီးဝိုင်းပဲ ။ကျနော် အလုပ်သွားရမှာမို့ ပြန်လာမှ ထပ်ရေးတော့မယ် ။ဖက်ပေးတာ ကျေးဇူးပါဗျာ ။

May 6, 2008

Yangon's News Collection

Yangon's News Collection

http://www.foxnews.com/story/0,2933,354246,00.html
ဓာတ်ပုံမှတ်တမ်းတွေနဲ့ သတင်းအများအပြား စုစည်းတင်ပြထားတဲ့ စာမျက်နှာဖြစ်ပါတယ် ။ပြီးတော့

နောက်တစ်နေရာက YANGON NETမှတ်တမ်းဓာတ်ပုံတွေပါ။

Cyclone Nargis in MYANMAR(BURMA)

မြန်မာပြည်ရဲ့ မုန်တိုင်းဝင်ရောက်မှု အခြေအနေကိုသတင်းဌာနအများအပြားက တင်ပြပြီးပါပြီ ။မရောက်ဖြစ်သေးတဲ့သူကြည့်နိုင်အောင် ဒီမှတ်တမ်းရုပ်/သံ တွေကို စုစည်းတင်ပြလိုက်ပါတယ်။


May 3, 2008

လွမ်းမောဖွယ်ဒဏ်ရာ

စိတ်ဓာတ်တွေကျနေပြီလား ကလေး...
အားမလျှော့ပါနဲ့....ပဲ ငါပြောနိုင်တယ်။ ...
တကယ်က နှလုံးသွေးတွေ မြေမှာ နောက်ထပ် ..နောက်ထပ်..
ကျလိမ့်ဦးမှာ..တစိမ့်စိမ့်လေ...........။.............
သမိုင်းမှာ ---ပေးဆပ်ဖို့သာ အလှည့်ကျနေတော့လည်း
တာဝန်ကျေချင်တဲ့ငါတို့...
မျက်ရည်တွေနဲ့ သမိုင်းရေးရပေဦးမပေါ့လေ...။
ခြောက်သွေ့လွမ်းမောဖွယ် ...ကြမ်းတမ်းလွန်းတယ်..။...
ချစ်တာတွေ မုန်းတာတွေ ..
ကိုယ်စီရှိတဲ့နှလုံးသားက လှုပ်ရှားတဲ့အရွယ်..
ခံစားချက်တွေ မေ့ခဲ့ကြ ဖျက်ခဲ့ကြရင်း..
အနာဂတ်ရွှေပြည်တော်အတွက်မို့..
အံကြိတ်ရင်းလွမ်းတယ်။
ဘ၀ဆိုတာ စီးဆင်းနေတော့လည်း
နောက်ပြန်မရတော့မဲ့ ဒီအရွယ်.. ဒီခံစားချက်တွေ
နူးညံ့သိမ်မွှေ့ခြင်းနဲ့ ခြားနား...။.
ရိုင်းစိုင်းနေတဲ့ အခု...ငါတို့ ကမ္ဘာ
စိတ်တွေ ရိုင်းကြမ်းနေတာ အပြစ်မတင်ပါနဲ့.....
နားလည်ပါလေ...ချစ်ခဲ့သူရေ...။ ။
နောက်တစ်ခါ ငါ ပြန်လာချိန်ဟာ..
သာယာချမ်းငြိမ်းတဲ့ကမ္ဘာအတွက်ပါလေ ။.........မေလ ၊၃ရက်၊၂၀၀၈။