Search This Blog

Oct 31, 2007

ဘာတွေဖြစ်ဦးမလဲ မြန်မာပြည်


ပခုက္ကူကသံဃာတော်တွေကတော့ တုန်လှုပ်ခြင်း အလျဉ်းမရှိ မေတ္တာပို့လမ်းလျောက်ကြွချီကြပြန်ပါပြီ။တရားမျှတမှုအတွက် တဖန်တိုက်ပွဲဝင်ကြပြန်ပါပြီ။စစ်မှန်မျှတတဲ့ ဒီမိုကရေစီရေးကို ကိုယ့်အသိစိတ်နဲ့ကိုယ် ချီတက်နေကြတာမို့လူသာသေမယ်။စိတ်ဓာတ်တွေကတော့ မယိုင်မလဲ မားမားမတ်မတ်ရပ်တည်နေမှာပါ။မြန်မာပြည်မှာ တရားမျှတမှုမရှိသရွှေ့တော့

ဒီလိုပဲ အကြမ်းမဖက်တိုက်ပွဲတွေ ရှိနေဦးမှာပါ။

Oct 28, 2007

အချစ်နဲ့မကင်းသည့်လူသားနှင့်သာမန်ထက်ပိုသည့် အဖြစ်ဆိုးများ၊အရောင်မှိန်အိမ်မက်

ဒါဟာ
အရောင်တွေရောထွေးနေတဲ့စုပ်ချက်မပီပန်းချီကားတစ်ချပ်ပဲ။
တင်ထားတဲ့အရောင်တွေကတော့ ကောင်းမွန်လိမ့်မယ်လို့ ထင်မြင်ယူဆချက်နဲ့ ပက်ဖျန်းလိုက်တာပဲ။မတူညီမှုရဲ့ အလှတရားတစ်ခုဟာ ပန်းချီမို့လားဗျ။အတိတ်ဆိုတဲ့ ပန်းချီကားဟာ ထုတ်ကုန်ပေါ့။အခုတော့ရေးလက်စ ပန်းချီကို အရောင်တွေ တင်နေတုန်းပဲ။ဒါဟာ ကျနော်ရေးခဲ့တဲ့ ပန်းချီကားတချို့ကို ခင်းကျင်းပြသရာ ဧည့်ခန်းတစ်ခုပါ။လူတွေမှာ အားနည်းချက်ကိုယ်စီနဲ့မို့ ကျနော်လည်း
အားနည်းချက်နဲ့လူပါပဲ။ ဒီလိုပါပဲ...

အချစ်ရေ တို့တွေဝေးကွာခြားနားခဲ့ကြပေမဲ့ ဘယ်တော့မှ သေဆုံးခြင်းမရှိ၊ပျောက်ပျယ်ခြင်းမရှိတာ ငါတို့ကြားက စကားလုံးမဲ့သစ္စာ ။အဲဒါ အသေချာဆုံး ရှင်သန်ရာ အကြောင်းရင်းပဲလေ။ရောက်ရာနေရာမှာ တတ်စွမ်းနိုင်သမျှ လူသားကမ္ဘာကြီး သာယာဖို့ ဖြည့်ဆည်းရင်းအသက်ရှင်ရတဲ့ အဖြစ်မှာကျေနပ်တတ်ခဲ့တာ...ငါ။ငါ့မှာ နိမ့်ကျခြင်း၊ မြင့်မားခြင်းတွေ မရှိ ။ဂုဏ်ပကာသနတွေလည်း ခံစားချက်မရှိ ။နောက် မင်းနဲ့ နီးရခြင်း၊ဝေးရခြင်းတွေဟာ ခံစားနေစရာ မဟုတ်တော့ပါဘူးကွယ်။ငါ အကျင့်ပါနေအောင်လွမ်းဆွတ်ခဲ့ရပါသော အချစ်ရေ...ငါဟာ စွန့်လွတ်ပြီးသား လူတစ်ယောက်ဖြစ်ခဲ့ပြီလေ။ထမင်းစားပြီးပြီလား။ဟန်လေးနဲ့သွားလာနေထိုင်ရပေမဲ့ တစ်နေ့တခြား တက်နေတဲ့ ကုန်ဈေးနှုန်းနဲ့မို့ဘ၀က တစ်နေ့ထက်တစ်နေ့ အသက်ရှူကြပ်လာတယ်။ပူပန်သောကများနဲ့ ကျနော်ဖြစ်သည်။

ခင်ဗျားပြောတတ်တယ်လေဗျာ။နုတ်ခမ်းလေးတွန့်ရုံပြုံးရင်း လူတွေဟာသိပ်ရီစရာကောင်းတယ်လို့။အခုတော့ ခင်ဗျားကိုယ်ခင်ဗျားလည်းပြန်သရော်နေရပြီပေါ့။ဟန်ဆောင်ပန်ဆောင်အပြုံးများ၊ဘာမဟုတ်ပဲချဲ့ကားမှုတွေကို ပျင်းရိငြီးငွေ့နေပြီမဟုတ်လား ။တစ်ယောက်တည်းလည်းနေတတ်ခဲ့တာကြာပြီမို့လားဗျ။ခင်ဗျားက လောကကြီးထဲမှာ စူးစမ်းလေ့လာဖို့အလည်ရောက်လာတာပါလို့လည်း ခင်ဗျားကိုယ် ခင်ဗျားသုံးသပ်တတ်ရဲ့။အသိုင်းအ၀ိုင်း၊ပတ်ဝန်းကျင်များစွာမှာ ကျင်လည်ဖြတ်သန်းခဲ့ပေမဲ့ အားလုံးက တစိမ်းသက်သက်၊အတ္တသားကောင်တွေချည်းလို့ ပြောကောင်းပြောတတ်တယ်။မြေခွေးကစပျစ်သီးကိုချဉ်တယ်ပြောသလို ဖြစ်မှာစိုးလို့ အရာများစွာကိုကြိုးစားရယူ ပိုင်ဆိုင်ပြီးမှ အလကားပါကွာလို့ပြောတတ်တယ်။ဥပမာ -ခင်ဗျားယူထားတဲ့ဘွဲ့တို့၊ မိန်းမတို့စသည်ဖြင့်ပေါ့လေ။

ဟုတ်တယ်မို့လား။မင်းဟာ အချိန်ဒါးစက်အောက်က လှပတဲ့ပန်းလေးတပွင့်ပဲလေ။ဘယ်သူကဲ့ရဲ့တာကိုမှ ဂရုမစိုက်တဲ့ ရဲရင့်နှင်းဆီလေးပေါ့။လရောင်ဟာ မင်းအလှမှာ ရူးသွပ်ယိုင်ထိုးလို့ ကကြိုးပြောင်းတဲ့အချိန် ငါရှိမှာ မဟုတ်ဘူး။အိမ်ပြန်ပြီ။ဆက်သာ က ပါမရွှေချော ။မင်းသမီးဖြစ်မှတော့ ကကြိုးတွေမှာ မမောပါနဲ့တော့လေ။ကာရန်လှလှ စကားလုံးကြွကြွ ကဗျာတွေလည်း ရေးဖြစ်မှာမဟုတ်ဘူး။ကြာပြီပဲလေ...။ရေသေအိုင်ဟာ ညစ်နွမ်းပြီးကြောက်ဖို့ကောင်းပါတယ်။ကိုမွန်းအောင်ရဲ့ သီချင်းခွေတွေ ဘယ်မှာလဲ။သိမ်းမထားပါနဲ့နောက်လူမြည်းလည်းချိုမှာပါ။မဖြစ်နိုင်တာ ဘာမှမရှိဘူး။ဘာလုပ်မလဲ။မနက်ဖြန်တွေကိုစောင့်လာခဲ့တဲ့ ခင်ဗျား အသက် ဘယ်လောက်ရှိပြီလဲ။လူဟာ မလွတ်မြောက်ပေမဲ့ လွတ်မြောက်ဖို့ စိတ်လိုတယ်။တခါတရံလည်း လောကကြီးမှာ တစ်ခုကို လိုချင်တာနဲ့ အရင်းအနှီးအများကြီးပေးပြီးမှ လွဲချော်တတ်သေးသလား ?????ကျနော်မသိပါ။ကျနော်သည် သေးမွှားလှသော အစက်အပြောက်လေးဖြစ်သည်။ ။မနက်ဖြန် အားလပ်မည်မဟုတ်ပါ။ ။ ။

Oct 22, 2007

ရောက်တတ်ရာရာမြန်မာ့အရေး



ကျနော်တော့ မကြုံရသေးပေမဲ့ ရရှိတဲ့ သတင်းကိုတော့တော်လှန်ရေးBlogger တွေနဲ့Bloggerအသိမိတ်ဆွေတွေကို အသိပေးရမှာမို့တင်လိုက်တာပါ ။တချို့လည်းသိပြီးသားဖြစ်မှာပါ။အဝေးရောက်မြန်မာပြည်သားတစ်ဦးမို့ သတင်းစကားတွေသာနားစွင့်ရင်း အခက်အခဲ၊အကျဉ်းအကျပ်တွေ ပြေလည်နိုင်ပါစေသာ ဆုတောင်းနေရသူပါ။လူသတ်စစ်အုပ်စုတွေလည်း ဒီလိုသာတဖတ်သတ်ဖိနှိပ်နေလို့တော့ အခြေအနေဟာပြေလည်နိုင်စရာ အကြောင်းမရှိရုံသာမက ဒီထက်ပိုဆိုးတဲ့ပြဿနာပေါင်းစုံနဲ့ တည့်တည့်တိုးဖို့ပဲရှိတော့တယ်။အလကားနေရင်း သူတို့ကြောက်ကန်ကန်နေတာဟာ အပြစ်မဲ့နိုင်ငံသားအားလုံး အဖက်ဖက်ကနစ်နာဆုံးရှုံးရတာပါ။သူတို့က ဒါကိုဂရုမစိုက်ပေမဲ့

မြန်မာလူငယ် ကျနော်တို့အားလုံးက၀ိုင်းဝန်းစည်းရုံး ဖြေရှင်းကြရမှာပါ။ဘာပဲပြောပြော နိုင်ငံတကာက မြန်မာအင်အားစုတွေရဲ့ စည်းလုံးတဲ့အသံတွေလည်းကျယ်ကျယ်လောင်လောင်ထွက်လာတာတွေ ကြားရသိရတော့ ၀မ်းသာပါတယ်ဗျာ။ ပြည်တွင်းမှာတော့ အရွယ်ရောက်တဲ့လူငယ်အားလုံးကို လူးလို့လွန့်လို့ မရအောင်ကိုဖိနှိပ်ထားတာပါ။ ဒီလောက်မွန်းကြပ်ပိတ်လှောင်နေကြရတဲ့လူငယ်တွေ စိတ်ထွက်ပေါက်ရှာရင်း ပျက်စီးနေကြရတာ အဆန်းတော့မဟုတ်ပါဘူးဗျာ။တရားမဲ့မှုတွေကို ခေါင်းငုံ့ အံကြိတ်နေရတဲ့နေ့တွေက ထူပိတ်မှောင်မည်းနေတာကိုး။မည်းမည်းမြင် အကုန်လိုက်ကိုက်တော့တာပဲလေ ။အသက်ငင်နေတဲ့သဘောနဲ့တူပါရဲ့ဗျာ။ကျနော်တို့ပန်းတိုင်ဟာ သိပ်မဝေးတော့ပါဘူး။အရင်းအနှီးကလည်း ကြီးမားလှပြီကိုးဗျာ။ကျနော်တို့ အောင်မြင်မှာပါ ။ရောက်တဲ့နေရာက ရတဲ့နည်းနဲ့တော်လှန်ကြဖို့၊ ပန်းတိုင်မရောက်ခင်ထိတော့ ဒါဟာကျနော်တို့အတွက် အမြဲတမ်းတိုက်ပွဲတစ်ခုလို့ စိတ်ထဲမှာအမြဲရှိနေဖို့ပါပဲ ။ကဲ..ကျနော်လျှာရှည်ချင်တာတော့ ဒီလောက်ပါပဲဗျာ။ဖက်ရှု့ပေးတဲ့အတွက် ကျေးဇူးတင်ပါတယ်။

Oct 18, 2007

ကိုထူးမြတ်ရဲ့Blog မှကူးယူဖော်ပြပါသည်။

နိုင်ငံတော်မှ သင့်ကို အလိုရှိသည်...

ဒီစာကို ဆုံးအောင် ဖတ်ပေးကြပါ။ အယူအဆ တူရင် ၀ါဒဖြန့် စည်းရုံးပေးကြပါ။ တော်လှန်ရေး အမြင်ပေါင်း များစွာ ထဲက အမြင်တစ်ခုသာ ဖြစ်ပါတယ်။

ကျနော် အခုလို ပြည်တွင်းမှာ ပစ်တာ ခတ်တာတွေ ဖြစ်နေတဲ့ အချိန်မှာ တစ်ခုပဲ အရမ်းခံစားရတယ်။ အဲဒါဟာ ဘာလဲ ဆိုတော့ ပြည်သူတွေဟာ ဘာမှကို ပြန်မလုပ်နိုင်ပဲ ပစ်ခံနေကြရတာကိုပါပဲ။ ကျနော်တို့ ဖက်က တစ်ယောက်ပြီး တစ်ယောက် ကျသွားကြတယ်။ ဒါပေမဲ့ ဟိုဖက်က တစ်ယောက်မှာ မကျဘူး။ ကျနော်တို့ ဖက်က ပြေးလွှားကြတယ်၊ သေကျေကြတယ်၊ ဟိုဖက်က အေးဆေးပဲ။

ကျနော်တို့ အဲဒီလို Non-violence နဲ့ ငြိမ်းချမ်းစွာ ဆန္ဒပြကြရင် နိုင်ငံတကာက လက်ခုပ်တီးကြတယ် ဆိုတာ မှန်တယ်။ တကယ်လဲ လက်ခုပ်တီးကြတယ်။ ကျနော်တို့ ဖက်ကရဲဘော် ကျရင် သူတို့လည်း ၀မ်းနည်းကြတယ်။ ဒါပေမဲ့ action ယူသလား ဆိုတော့ အခုထိ ဘာမှ မလုပ်ကြသေးပါဘူး။ အဲဒီတော့ ကျနော်တို့ ဖက်က ဘာလုပ်သင့်သလဲ။ အခုအတိုင်းပဲ ဆက်ပြီး အသေခံနေကြမှာလား...

လွတ်မြောက်ရေး အတွက် တိုက်ခိုက်ခဲ့ကြရတဲ့ မြန်မာ့သမိုင်းမှာ ကျနော်တို့ လက်နက်နဲ့ ကင်းခဲ့တာ ဘယ်နှစ်ခါ ရှိခဲ့ပါသလဲ။ လက်နက် မပါဘဲ အောင်မြင်ခဲ့တာမျိုး ဘယ်နှစ်ပွဲ ရှိခဲ့ပါသလဲ။ ကျနော်တို့ သမိုင်းမှာ အင်္ဂလိပ်ကို တိုက်တယ်၊ ကျနော်တို့ လက်နက်နဲ့ ထုတ်လိုက်နိုင်တယ်။ နောက်ကျ ဂျပန်ကို တိုက်ထုတ်တယ်။ ကျနော်တို့ လက်နက်နဲ့ပဲ တိုက်ထုတ်ရတာပဲ။ နောက်ကျ အင်္ဂလိပ်က သိပ်မစမ်းရဲတော့ဘဲ လွတ်လပ်ရေး ပေးလိုက်ရတယ်။ နောက် စစ်တပ်က လက်နက်နဲ့ အာဏာသိမ်းတယ်။ အဲဒါကို ကြည့်ရင် မြန်မာနိုင်ငံရဲ့ ကြီးမားတဲ့ အပြောင်းအလဲ တိုင်းမှာ လက်နက် ပါဝင်နေတာကို တွေ့ကြရမှာပါ။ နောက် တော်လှန်ရေး ကာလကြီးထဲ အအောင်မြင်ဆုံး အချိန်ဟာ ဗကပနဲ့ ကရင်တော်လှန်ရေး တပ်များ အင်းစိန်အထိ ရောက်လာခဲ့တဲ့ ပွဲပါပဲ။ အဲဒါလည်း လက်နက်ကိုင် တိုက်ခိုက်ပွဲပါ။

ကျနော်တို့ မြန်မာတွေ အဲဒီသမိုင်းကို ပြောင်းပြန်လှန်နိုင်ဖို့ လက်နက် မကိုင်ပဲ ကြိုးစားခဲ့ကြပါတယ်။ ၆၂၊ ၈၈၊ ၉၆ ကြားထဲမှာ ရှိပါသေးတယ်။ ထားပါတော့... အဲဒီဟာတွေ တစ်ခုမှ မအောင်မြင်ခဲ့ပါဘူး။ ပြည်သူတွေပဲ အပျက် အပျက်နဲ့ နှာခေါင်းသွေးထွက် ခဲ့ကြရပါတယ်။ အဖြေကတော့ ကျနော်တို့က လက်နက်ကို မေတ္တာနဲ့ တိုက်ခဲ့ကြလို့ ဖြစ်ပါတယ်။ တစ်ခါတလေကျတော့ မေတ္တာဟာ ဘယ်လိုမှ အသုံးမ၀င်တာမျိုး ဖြစ်တတ်ပါတယ်။ ခွေးက အတင်း လာကိုက်လို့ ကျနော် မပြေးဘဲ၊ ပြန်မရိုက်ဘဲ မေတ္တာပဲ ထိုင်ပို့နေရင် အကျိုးဆက်ကတော့ ခွေးကိုက်ခံရလို့ ကာကွယ်ဆေး ထိုးရမှာသာဖြစ်ပါတယ်။

ကုလသမဂ္ဂဆိုတာက ရှင်းရှင်းပြောရရင် အခုချိန်ဟာ ဦးသန့် ခေတ်လည်း မဟုတ်တော့ပါဘူး။ ကုလသမဂ္ဂကို အလှုငွေ အများဆုံး ထည့်နိုင်တဲ့ နိုင်ငံထဲလည်း မြန်မာ မပါပါဘူး။ ရှင်းရှင်းပြောရရင် အမေရိကန် မျက်စိကျစရာ သံယံဇာတတွေလည်း မြန်မာပြည်မှာ ရှားပါးကုန်ပါပြီ။ ဒါဟာ သူတို့နိုင်ငံလဲ မဟုတ်ပါဘူး။ ဘယ်သူမှ လာပြီး မကယ်နိုင် တော့ပါဘူး။ ကျနော်တို့ နိုင်ငံရဲ့ ကံကြမ္မာကို ကိုယ့်ဟာကိုယ်သာ ဖန်တီးရတော့မဲ့ အခြေအနေကို ရောက်နေပါပြီ။

လက်နက်ကိုင် တော်လှန်ရေးဟာ အမှန်တကယ်ကို လိုအပ်နေတဲ့ အခြေအနေကို ရောက်နေပါပြီ။ ရဲရင့်တဲ့ ပြည်သူ့ သူရဲကောင်းများကို နိုင်ငံတော်က အလိုရှိနေပါတယ်။ လက်နက်ကိုင် တော်လှန်ရေးဆိုတာ ကမ္ဘာက အကြမ်းဖက်၊ Terrorism ဆိုပြီး ဆန့်ကျင်ကြပါတယ်။ ဒါပေမဲ့ ဒါဟာ ကျနော်တို့ အတွက်တော့ တော်လှန်ရေးသာ ဖြစ်ပါတယ်။ အချို့ကလည်း လက်နက်ကိုင် တော်လှန်ရေး ဆိုတော့ ဘယ်မလဲ လက်နက် ဆိုပြီး ပျက်ရယ်ပြုချင် ကြပါလိမ့်မယ်။ ကျနော်တို့မှာ လက်နက်တွေ ရှိကြပါတယ်။ ၈ လေးလုံး ကတည်းက လက်နက်တွေ ရှိခဲ့ကြတာပါ။ ဂျင်ဂလိ ဘယ်လို လုပ်ရမယ် ဆိုတာကို ကျနော်လို ကောင်က လာရေးပြနေရင်တော့ အရေးအခင်း အတွေ့အကြုံရှိပြီးသား ပြည်သူတွေက ၀ါးလုံးကွဲအောင် ရယ်ချလိုက် ကြမှာပါပဲ။ ကျနော် ထပ်ရှာတွေ့ထားတဲ့ အထောက်အကူလေးတွေ တင်ပေးထားပါမယ်။

Molotov cocktail (ဗုံး) လုပ်နည်း။

Freedom fighters manual

လက်နက်ကိုင် တော်လှန်ရေးရဲ့ အနိမ့်ဆုံး အဆင့်အနေနဲ့ ကိုယ့်တိုက်ရှေ့ကနေ စစ်သားတွေ ချီတက်ရင် ခေါင်းပေါ် အုတ်ခဲ ပစ်ချတာတို့၊ အခြား လေးလံတဲ့ (အထိနာမဲ့) ပစ္စည်ှးတွေ ပစ်ချတာတို့၊ ဘေးမှာ ရောက်နေရင် ဂျင်ဂလိနဲ့ ပစ်တာတို့၊ လူတစ်ယောက်ကို ၀ိုင်းဆွဲနေရင် ဘေးမှာရှိတဲ့ လူတွေက ထွက်ရိုက်တာတို့၊ ခဲနဲ့ ၀ိုင်းပေါက်တာတို့ လုပ်နိုင်ပါတယ်။ တိုက်ခန်းတွေမှာ လေးခွတွေ ဆောင်ထားစေချင်ပါတယ်။ တိုက်ပေါ်ကနေ လှမ်းပစ်နိုင်ပါတယ်။ ဘာပဲပြောပြော တစ်နေရာက တစ်ယောက်ယောက်ကို ဖမ်းဖို့ သွားတဲ့အချိန် ခများတို့ရဲ့ ပစ်ချက်တွေကြောင့် နှောင့်နှေးသွားမယ် ဆိုရင် တော်တော် ကောင်းတဲ့ ကိစ္စပါ။

အခုဆို နေရာလဲတဲ့ ချင်းစစ်သားတွေ၊ အခြားမြို့က စစ်သားတွေထက်ဆို နယ်ခံတွေက ဘယ်လိုပဲ ပြောပြော လမ်းပိုကျွမ်းပါတယ်။ ကျနော်တို့ မြို့တွင်း ပျောက်ကြား စစ်ပဲ ဆင်နွှဲလို့ ရနိုင်ပါတယ်။ အဲဒီအခါမှာ ဘယ်နေရာကမှန်း မသိပဲ လည်ပင်းထဲကို ဂျင်ဂလိ သံချောင်း စိုက်ဝင်သွားတာမျိုးတွေ လုံထိန်းနဲ့ စစ်သားတွေ ကောင်းကောင်း ကြုံကြရတော့မှာပါ။ အဲဒီတော့မှ ဦးနေ၀င်း ပြောခဲ့တဲ့ ဓါးဓါးခြင်း လှံလှံခြင်း ဆိုတာ အကောင်အထည် ပေါ်လာမှာပါ။ ကျနော်တို့ လက်နက်ကိုင် တော်လှန်ရေး စနိုင်ပြီဆိုရင် ပြည်သူနဲ့ ပူးပေါင်းတဲ့ တပ်မတော် သားကောင်းတွေ ပါဝင်တဲ့ တပ်တွေလည်း လက်နက်တွေနဲ့ တကွ ပူးပေါင်းကြ စေချင်တယ်။

အခု စစ်သား ငါးသိန်း ရှိတယ် ထားပါတော့၊ အဲဒါ ၀င်ပူးပေါင်းလာမဲ့ တပ်မတော် သားကောင်းတွေကိုပါ ထည့်တွက် ထားတာပါ။ အဲဒီတော့ ဒီ ငါးသိန်းက လူတွေ လျော့ဦးမှာပါ။ ပြည်သူက သန်း ၆၀ ခန့် ရှိပါတယ်။ အချိုးနဲ့ ကြည့်ရင် အရမ်းကွာပါတယ်။ ကျနော်တို့က သူတို့လက်ထဲက သေနတ်ကို ကြောက်တာပါ။ သူတို့ကကျတော့ ကျနော်တို့ကို ကြောက်တာပါ။ သူတို့ လက်ထဲမှာ လက်နက်မရှိတော့ရင် သူတို့ ဘ၀ ဆုံးပေမဲ့ ကျနော်တို့မှာက လူမသေသ၍ သူတို့ကို ဒုက္ခပေးနိုင်ပါသေးတယ်။

သေနတ်သမားတွေကို ငှက်ကြီးတောင် ဓါးနဲ့ ထချခဲ့တဲ့ တောင်သူလယ်သမား ကြီးတွေ၊ အခြား မြန်မာ့ သူရဲကောင်းကြီးတွေနဲ့ မြန်မာတွေ ရဲရင့်ခဲ့ကြတယ် ဆိုတာဟာ အိပ်ရာဝင် ပုံပြင်တွေပဲ ဖြစ်ကြတော့မှာလား။

နိုင်ငံတော်မှ သင့်ကို အလိုရှိသည်။

Oct 16, 2007

ပိုင်ရှင်မဲ့..ပန်းရောင်ဖိနပ်လေးတရံ ပေါ်ကသွေးစက်များ..


ဒီနေ့  စက်တင်ဘာ ၂ရ ရက်.၂၀၀ရ.
သမီးလေးရဲ့..၄နှစ်မြောက်မွေးနေ့ ..
ကျမမမေ့မပျောက်..ဈေးအပြန်ဝယ်ခဲ့
သမီးအတွက်..မွေးနေ့ လက်ဆောင်..
ချစ်သမီးလေးပျော်သွားအောင်
လှပတဲ့ ဖိနပ်လေးက..ပန်းရောင်

ဆွမ်းချက်ပြီးသော်ငြား..ဦးဇင်းကဒီနေ့ မကြွ
ကံဆောင်တဲ့သပိတ်ပွဲ.ဘုန်းဘုန်း.နွှဲနေဆဲဘဲ
ဘုရားဆွမ်းတော်နဲ့ သစ်သီး. ပန်းနဲ့ ဆီမီး..
ချစ်မငြီးတဲ့ သမီးရဲ့..
အသက်ရှည်ရာ. အနာမဲ့ကြောင်း ဆုတောင်းနေဆဲ.
ဘုရားပေါ်မှာညောင်ရေလောင်းချင်ပါသတဲ့
ပူဆာတဲ့သမီးကို..
သူ့ အဖေက..အလိုလိုက်..မောင်.ခေါ်သွားလိုက်မယ်..
ခဏဘဲ..ပြန်လာမယ်..သိပ်မကြာတဲ့

တာ့တာ့ ပြ နှုတ်ဆက်..
ခုထိ..ကျမမျက်စိထဲက မထွက်..
အသစ်စက်စက်ဖိနပ်လေးကပန်းရောင်.
သမီးလေးကပြုံးယောင်ယောင်..

အချိန်များသိပ်မကြာခင်..
မိုးလုံးခွင်းခဲ့သေနတ်ပစ်ချက်..
ဘာများဖြစ်လည်းစိုးထိတ်.ကျမ အသည်းထိတ်နေ..
ပြန်မလာသေးတဲ့သူတို့ သားအဖတတွေ..

ကြောင့်ကျ ပူပင်စိတ်နဲ့ ..ကျမရှာခဲ့.
ပြေးလွှားနေတဲ့ လူအုပ်ထဲ
သွေးစက်များနဲ့ ခန္ဓာတချို့ 
အမဲဖမ်း ဒိုင်းကာများနဲ့စစ်သား..
မျက်ရည်ယို..မီးခိုးငွေ့ က မွှန်ထူထူ..
ဘယ်ဆီမှာလဲ..ကျမချစ်ရတဲ့သူ..

ကာရံထားတဲ့ သံစည်းကြိုးများ..
အနီရောင်လည်စီးနဲ့ အသေခံကွန်မင်ဒိုများ
ပြည်သူကြွေးတဲ့ထမင်းစား..ပြည်သူ့ အားပြန်သတ်
လမ်းမထက်ကပြန့်ကြဲနေဆဲ ဖိနပ်ပုံ..
မိစ္ဆာများရဲ့ ရက်စက်မှု နိမိတ်ပုံ။
ကျမရင်တွေ ခုန်ပါပေါ့..
မောင်ဝတ်နေကျ..ကတ္တီပါဖိနပ်ကသဲကြိုးပြတ်လျှက်..
မှောက်ရက်.ပက်လက်လန်နေတဲ့
ဖိနပ်ပန်းရောင်သေးသေးလေးကအသစ်စက်စက်
သဲကြိုးပေါ်ကမခြောက်သေးတဲ့..သွေးစက်.
ကျမ.ဘ၀ပျက်ခဲ့ပြီ.

သူတို့ ဘယ်ဆီရောက်..စုတ်စမြုတ်စပျောက်
ဆေးရုံမရောက်.အလောင်းပျောက်..
မြစ်ရေကြောထဲဘဲမြောနေမလား..
အရှင်လတ်လတ်..မီးရှို့ ဘဲသတ်လိုက်သလား..
ဘာမှမသိသေးတဲ့..ခလေးရဲ့အသက် ၄ နှစ်
အော်..လူတောင်မဖြစ်သေးခင်။

ရွှေမြန်မာမြေပေါ်ကပြည်သူများဘ၀.
ဘာမှ အာမခံချက်မရ..
စည်းစိမ်ဥစ္စာ..မင်းဘဏ္ဍာသိမ်းရစ်..
စိတ်ဝိညာဉ်..စဉ်းစားပိုင်ခွင့်မရှိ.
အသက်ခန္ဓာ..တည်မြဲနိုင်ခွင့်မရှိ
အသိဥာဏ်..ထုတ်ဖေါ်နိုင်ခွင့်မရှိ
ပါးစပ်ပါ..ပြောရေးဆိုခွင့်မရှိ..
မျက်စိပါ.အမှန်တရားကြည့်နိုင်ခွင့်မရှိ
လက်တွေပါ..မှန်ရာရေးနိုင်ခွင့်..နတ္ထိ.
မရှိ ..မရှိ. .ပြည်သူတွေမှာ..ဘာမှမရှိ.
အခုလေ..ကျမ သမီးနဲ့လင်ပျောက်တဲ့မုဆိုးမ..
တမြေ့မြေ့ဘ၀..ရင်ကွဲနာကျ။

ဒို့ ဘိုးဘွားအမွေ..စစ်တပ်ကဘဲခေါင်းပုံဖြတ်နေ
ပြည်သူတွေက.. ၀မ်းဟောင်းလောင်း။
ရှိသမျှပြည်ထွက်သယံဇာတ..
ပြည်သူအတွက် မစားကြရ..
ပေါချောင်ကောင်းနဲ့ နိုင်ငံခြားဈေးကွက်ဘဲထွက်
လူထုကတော့ ငတ်လျှက်..
သစ်တောပြုန်းပျက်..ရာသီပြောင်းခဲ့
ရန်သူမျိုး ငါးပါးရဲ့…မင်း..
ပြည်သူတွေနဲ့ စစ်ခင်း..
လူတွေ စာမတတ်ကြမှ..ဒို့ တတွေအသာရ..
လူတွေ ထမင်းငတ်ကြမှ..ဒို့ ခြေထောက်လာဖက်ကြ..
ဒို့ ဘာလုပ်လုပ်..အဟုတ်ကြီးထင်
သာသနာတော်အမြစ်ပြုတ်ချင်
သံဃာတွေ..မျိုးဖြုတ်ဖို့ စီစဉ်
ပြည်သူ့ အလှူတော်ကို..အမျက်ကြီး
ဘုန်းကြီးကျောင်းများကိုဖျက်ဆီး.
ဘုရားပေါ်ကရွှေကို ခိုး
သံလျှက်တော်ပျောက်နေတဲ့ ဘုရင်သူခိုး
ဗြိတိသျ ခေတ်ထက်ဆိုး
ဆရာတော် ဦးဝိစာရကမှ ကံကောင်းသေး
အခုတော့ရှိသမျှ ဘုန်းကြီး..အကုန်ဘေးသင့်နေ
ပြေးနိုင်မှလွတ်ကြတော့မဲ့..ဗမာမြေ။

ပြင်သင့်ကြပြီ..ဒို့ အနာဂတ်သို့ မျှော်ရည် ။
သတ္တိမွေးထားပါ ဒို့ ပြည်သူညီညီ.
လွတ်လပ်စေချင်သည်..အမိ ဗမာပြည်.
ဒို့ အားလုံးသမိုင်းပေး..တာဝန်ဖြစ်သည်။
အားလုံးညီညီ.အာဏာရှင်ကိုတော်လှန်ရမည်။

မသဒ္ဓါ (၁၀။၁၀။၂၀၀ရ)

၅၀၀၀ကျပ်တန် မြန်မာငွေစက္ကူအသစ်



ရေးဖို့အစီအစဉ်မရှိပေမဲ့ mailစစ်ရင်းတွေ့တဲ့ပုံလေးကို သဘောကျလို့စာအသစ်တင်ဖြစ်သွားတာပါ။ ဒီလောက်မှရှိတာonline မှာ ဒီလိုငွေစက္ကူအသစ်ကို ထုတ်လိုက်ကြသဗျာ။ဘယ်သူက စိတ်ကူးရလို့လုပ်လိုက်တာလဲ မသိပါဘူးဗျာ။ မြန်မာ့ငွေကြေးဒီလောက်ဖောင်းပွနေတော့လည်း တချိန်မှာ ဒီငွေစက္ကူဟာ အမှန်တကယ်ပေါ်ပေါက်လာနိုင်ပါတယ်။


Oct 14, 2007

ကျနော် သဘောကျတဲ့ သီချင်းတစ်ပုဒ်


ရေးဖို့ အစိတ်မပါတာနဲ့ သီချင်းတွေနားထောင်ရင်း ကျနော် သဘောကျတဲ့Nickelback ရဲ့ သီချင်းတွေ မျှဝေလိုက်ရပါတယ်။

Oct 10, 2007

ဘ၀များစွာလွတ်မြောက်ရေး

ဘ၀များစွာလွတ်မြောက်ရေး

ဟောဒီစာလုံးတွေ မာထာန်နေမလား ။

အလံတွေ တလွင့်လွင့်
ဘ၀မှာနစ်နာဆုံးရှုံးမှုတွေနဲ့
ငါတို့+++ရင့်ကျက်ခဲ့ပြီ။
ချော့မသိပ်နဲ့xxx
ဘ၀မငြိမ်းချမ်းပဲ မအိပ်တတ်ဘူး။
ချောက်ထဲမချနဲ့xxx
အမှောင်တွေရိုက်ဖျက်မဲ့ လက်တွေချိတ်ထားပြီ ။
ဘ၀တွေလွတ်မြောက်ရေးမှာ
သူငယ်ချင်းရေ...
မလိုတဲ့ ၀န်ထုပ်တွေ ထမ်းမထားနဲ့ ပေါ့ပါးဖို့လိုတယ်။
ဘယ်ကိုသွားမှာလဲ ။ဘာတွေလုပ်မှာလဲ ???။
တစ်လမ်းတည်းကို ဦးတည်နေတာပဲ
ခေါင်းမကွဲစိတ်ဓာတ်မယိုင်မလဲ အဆုံးထိလျှောက်
ခရီးရောက်ဖို့လိုတယ်။
အသွေးအသားတွေ ၊ဘ၀တွေ ရင်းခဲ့ နစ်ခဲ့
ဘယ်မလဲ ???တူညီတဲ့ အလျော်အစား
ဝိညာဉ်တွေ စိတ်လျှော့အေးချမ်းနိုင်ဖို့
ဒဏ်ရာဒဏ်ချက်ပေါင်းများစွာဖို့
မွန်းကြပ်ပိတ်လှောင်ခံရတဲ့ငါတို့
သမိုင်းပေးတာဝန်ကျေစေရမယ် ။ ။ ။


Oct 6, 2007

သင်ဘာဆက်လုပ်မလဲ????


မြန်မာပြည်တွင်းက ကမ္ဘာနဲ့ ဆက်စပ်တဲ့ကွန်ယက်ဖြတ်တောက်လိုက်တာကြောင့် ပြည်တွင်းကသတင်းတွေ လိုက်လံရှာဖွေ နားထောင်ရင်း အာဏာလုယူထားသူ လက်တစ်ဆုပ်စာ ခေါင်းဆောင်အဖွဲ့အစည်း ရဲ့ မတရား ဖိနှိပ်မှုကြောင့် ယုတ်လျော့အားနည်းသွားရတဲ့ တော်လှန်ရေးမေတ္တာတိုက်ပွဲရဲ့ အခြေအနေဟာ အင်အားချိနဲ့သွားပြီလို့ ထင်မြင်လာရပါတယ် ။ဒါပေမဲ့ စစ်မိစ္ဆာတွေရဲ့ ဖြေရှင်းပုံမမှန်တဲ့ ဖြေရှင်းနည်းကြောင့် ဒီတော်လှန်ရေးဟာ အရှိန်အဟုန်ကျဆင်းခြင်း သက်သက်သာဖြစ်ပါတယ် ။သံဃာတော်တွေ ကျောင်းသားပြည်သူတွေကို ရိုက်နှက် နှိပ်စက် ဖမ်းဆီးသတ်ဖြတ်လိုက်ရုံနဲ့ ပြည်သူလူထုကြီးက ကြောက်ရွံ့ထိတ်လန့်ပြီး အဆုံးသတ်ရပ်တန့်သွားပြီ လို့ ထင်မှတ်နေကြသကိုး ။ပြဿနာ အရင်းခံကို မဖြေရှင်းပဲ ဘယ်လိုပြဿနာက ရှင်းလင်း ပြီးပြတ်သွားလို့လဲ ။ပြင်ပသတင်းတွေနဲ့ ကျနော် သိမြင်ခဲ့တဲ့အတွေ့အကြုံအရ တကယ့်အောက်ခြေက စစ်သားလေးတွေမှာ ပြင်ပကရွှေမြန်မာပြည်ကြီးရဲ့ အခြေအနေမှန်ကို စိုးစဉ်းမျှ သိခွင့် မရကြရှာပါဘူး ။နဂိုကမှ ဗဟုသုတအသိအမြင်နည်းလို့ စစ်တပ်ထဲပါသွားရတဲ့ အထဲမှာ မျက်စိ၊ နားတွေပိတ်လို့ မိစ္ဆာတွေ မှိုင်းတိုက်တာသာခံကြရရှာတယ် ။အဲဒီလိုကြာရှည်နေလာရတဲ့အခါ ဒီအသိအမြင်နည်းပါးတဲ့ စစ်သားလေးတွေရဲ့ဦးနှောက်ဟာ မှိုင်းမိတာများပြီး ကြက်ခိုးဆွဲနေကြပါတော့တယ် ။
နောက်တစ်ခုက ငတ်မွတ်ခေါင်းပါးမှုရဲ့ အကျိုးဆက် ဘေးထွက်ဆိုးကျိုးတွေလို့ ဆိုရမလားပဲ။ ငတ်ပြတ်နေတဲ့ ပြည်သူတွေမှာ အနည်းဆုံးဗျာ ရေဒီယိုနားထောင်နိုင်ဖို့မပြောနဲ့ ထမင်း အနပ်မှန်အောင်တောင် မလွယ်တာတွေက အများကြီး ......။အဲဒီတော့ မြန်မာ့အရေး၊ ကမ္ဘာ့အရေးဆိုတာ ဘယ်လောက်များသိတော့မလဲ ။သူတို့တွေ အတွက် ဘာက အရေးကြီးသလဲဗျာ ။ မိစ္ဆာတွေ ကတော့သူတို့လိုအခြေအနေတွေ အကြိုက်ပေါ့ ။မျက်ဖြူစိုက်လေ ဆရာကြိုက်လေ ပဲ ။ကောင်းကောင်း မှိုင်းတိုက်ပြီး အသုံးချလို့ ရတယ်လေ ။ကျေးလက်တောရွာနေ ပြည်သူတွေမှာ ဒီလိုအခြေအနေတွေ အများဆုံးတွေ့ရပါတယ် ။မြို့ပြတွေမှာတော့ ငတ်နေတယ်ဆိုရင်တောင် ပတ်ဝန်းကျင် ကျယ်ပြန့်တဲ့အတွက် ဘာပဲဖြစ်ဖြစ် သတင်းစကားတော့ ကြားသိနေရပါတယ် ။

ကျနော်တို့ရဟန်းရှင်လူပြည်သူတွေ ပေးဆပ်ခဲ့ရတာတွေ များလှပါပြီ ။ဘ၀တွေ နစ်ခဲ့၊ဆုံးခဲ့ရတာတွေလည်း များလှပြီ။အခု ဒီအရေးတော်ပုံကြီးကလည်း ဒီမှာတင်ပဲ စခန်းသိမ်းဖို့မရှိပါဘူး ။ရှေ့ဆက်ပြီး ပြောက်ကျားနည်းနဲ့သော်လည်းကောင်း၊ ဖြစ်တဲ့နည်းနဲ့ ဆက်လက်ချီတက် ဖြစ်ပွားနေဦးမှာပါ ။သို့သော် ကျနော်တို့ ဒီလိုပဲ ဘ၀တွေ၊ အသက်သွေးချွေးတွေကို မထိုက်တန်စွာ ပေးဆပ်နေကြရဦးမှာလား။ကိုယ့်ကိုယ်ပိုင်အခွင့်အရေးကို ကိုယ်အသုံးချတောင်းဆိုရာမှာကျနော်တို့က မတန်တဆ ပေးဆပ်နေကြရမှာလား ။နည်းလမ်းတွေကတော့ ကျနော်တို့ကျဉ်လည်ရာ Blog လောကမှာဖြစ်ဖြစ်၊တခြားသတင်းမီဒီယာတွေမှာပဲ ဖြစ်ဖြစ် ပြောကြဆိုကြ တာတွေ တွေ့ပါတယ်။ပြည်ပကUN တို့EUတို့လို အဖွဲ့အစည်းတွေကို မကြည့်ပါနဲ့တော့။ကိုယ့်နိုင်ငံအရှုပ်ကိုယ်ပဲ ရှင်းရမှာပါ။တခြား စစ်မိစ္ဆာတွေကိုအတိုက်အခံလုပ်နေကြတဲ့ နိုင်ငံရေးအဖွဲ့အစည်း အသီးသီးမှလည်း ထုတ်ပြန်ကြေငြာချက်တွေ တွေ့မြင်ဖက်ရှူ့နေရပါတယ်။ဒါနဲ့တင်ပြီးသလား၊ ပြီးမလား။အလုပ်ဖြစ်ဖို့ အလုပ်လုပ်နိုင်ဖို့လိုပါတယ် ။ဘယ်လောက်ထိ အကျိုးရှိတယ်။ထိရောက်တယ် ။အသုံးတည့်တယ် ဆိုတာ သုံးသပ်ကြဖို့လိုပါတယ်။အာဏာလုထားသူတွေကလည်း ဥာဏ်နီဥာဏ်နက် အကုန်ထုတ်သုံးပြီး လက်ရှိအခြေလေးမပျက်အောင်တားဆီးနှိမ်နင်းမှာပဲ ။ ကဲ ...ကျနော်တို့ဘာဆက်လုပ်ကြမလဲ??????


Oct 4, 2007

တိုက်ပွဲက ငါတို့ကို စိန်ခေါ်နေပြီ

တိုက်ပွဲက ငါတို့ကို စိန်ခေါ်နေပြီ
ဒေါက်တာလွဏ်းဆွေ


၈၈-မျိုးဆက်ခေါင်းဆောင်တွေကို ဖမ်းကုန်ပြီတဲ့
ညက ရေဒီယိုမှာ ကြေညာသွားတယ်
ဒီလောက်နဲ့ပဲ ပြီးလိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ပခုက္ကူသံဃာနှစ်ပါးကို ဓာတ်တိုင်မှာ ကြိုးတုတ်ပြီး ရိုက်သတဲ့
ညက ရေဒီယိုမှာ ကြားလိုက်ရတယ်
ဒီလောက်နဲ့ပဲ ကျေနပ်လိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။

သံဃာတော်တွေ ပတ္တနိက္ကုဇ္စန ကံဆောင်နေကြပြီတဲ့
ညက ရေဒီယိုမှာ ပြောသွားတယ်
ဒီလောက်နဲ့ပဲ တင်းတိမ်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။

သံဃာတွေနောက်ကို ပြည်သူတွေပါလာပြီတဲ့
ညက ရေဒီယိုမှာ အသံလွှင့်သွားတယ်
ဒီလောက်နဲ့ပဲ ရောင့်ရဲကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ဂျပန်သတင်းထောက်ကို စစ်ခွေးတွေ ပစ်သတ်လိုက်တာ
ညက တီဗွီမှာ ကြည့်လိုက်ရတယ်
ဒီလောက်နဲ့ပဲ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

စစ်ခွေးတွေ ပစ်သတ်တာ ပြည်သူတွေသေကုန်ပြီတဲ့
ညက ဘီဘီစီမှာ ကြေညာသွားတယ်
ဒီလောက်နဲ့ပဲ ကျေနပ်လိုက်ကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ဘုန်းကြီးကျောင်းတွေကို ညပိုင်းဝင်စီးတာ
သံဃာတွေ တော်တော်အဖမ်းခံရတယ်တဲ့
ညက အာရ်အက်ဖ်အေမှာ ကြားလိုက်ရတယ်
ကြေကွဲဝမ်းနည်းရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

သံဃာအလောင်းတလောင်း ငါးမိုးရိပ်ချောင်းထဲမှာ ပေါ်လာသတဲ့
မနေ့က အင်တာနက်မှာ ကြည့်လိုက်ရတယ်
သံရုံးတွေရှေ့မှာ ဆန္ဒပြရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ဂမ်ဘာရီ မနေ့က ပြန်သွားပြီတဲ့
ညက ဗွီအိုအေမှာ ပြောသွားတယ်
ဆင့်ဟိုဒင်း ခွေးမျှော်ရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

သတင်းမေး သတင်းလွှင့်ရတာလည်း
စိတ်မကောင်းစရာတွေ ချည်းပါကွယ်
စုတ်သပ်ရုံလောက်နဲ့ပဲ နေကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ဆန္ဒပြသူတွေကို စစ်ခွေးတွေ ၀ိုင်းရိုက်တာ
စီအန်အန်မှာ ကြည့်လိုက်ရတယ်
စိတ်ဆိုးဒေါသထွက်ရုံနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ခေါင်းဆောင်တွေ ဘယ်ရောက်နေကြလဲ
အဖွဲ့အစည်းတွေ ဘာလုပ်နေကြလဲ
ငါတို့မဲပေးထားတဲ့သူတွေ ဘယ်မှာလဲ
ဒေါက်တာဆလိုင်းထွန်းသန်းတို့၊ ဦးဝင်းခက်တို့ ဘယ်မှာလဲတဲ့
ပြည်သူတွေ မေးနေကြပြီ
အစည်းအဝေးထိုင်ရုံလောက်နဲ့ ပြီးကြတော့မှာလား
စတိတ်မန့်ထုတ်ရုံလောက်နဲ့ ပြီးကြတော့မှာလား
ရေဒီယိုမှာ ဟိုပြောဒီပြောနဲ့ ပြီးကြတော့မှာလား
တိုက်ပွဲက ငါတို့ကို စိန်ခေါ်နေပြီ။

သံဃာတွေ ပြည်သူတွေ သွေးချောင်းစီးနေတာတောင်
အာဖရိက မြင်းကျားတွေလို
မြက်စားမပျက်ကြပါလားကွာလို့
အပြောခံကြတော့မှာလား
တိုက်ပွဲက ငါတို့ကို စိန်ခေါ်နေပြီ။

မြန်မာပြည်သားဆိုတာ
ငုံ့ခံတတ်တဲ့ လူစားတွေပါကွာလို့
သမိုင်းအရေးခံကြတော့မှာလား
တိုက်ပွဲက ငါတို့ကို စိန်ခေါ်နေပြီ။

ဒီကဗျာကို
အံချလိုက်ရရင်
သေပျော်ပြီကွာလို့ ယူဆနေသလား
တိုက်ပွဲက ငါတို့ကို စိန်ခေါ်နေပြီ။

အားလုံး …
အားလုံး …
ဒီမိုကရေစီကို လိုလားတဲ့
မြန်မာပြည်သားအားလုံး
ကြက်သေ သေမနေကြပါနဲ့
ငါတို့ ဘာဆက်လုပ်ရမလဲဆိုတာကို
ပျံလွန်တော်မူသွားတဲ့ သံဃာတွေက လမ်းပြသွားခဲ့ပြီ
လမ်းမပေါ်မှာ ပစ်သတ်ခံရတဲ့ ပြည်သူတွေက လမ်းပြသွားခဲ့ပြီ
အဖမ်းဆီးခံ သံဃာနဲ့ပြည်သူတွေက လမ်းပြသွားခဲ့ပြီ
အချိန်သိပ်မရှိတော့ဘူး
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ
တိုက်ပွဲက ငါတို့အားလုံးကို အကြီးအကျယ် စိန်ခေါ်နေပြီ။ ။


Oct 2, 2007

ရွှေဘိုသား မှ လှိုက်လှဲစွာကြိုဆ�

ရွှေဘိုသား မှ လှိုက်လှဲစွာကြိုဆ�: "အညတြပြည်သူတစ်ဦး၏အိတ်ဖွင့်ပေးစာ (အောက်တိုဘာ ၁၊ ၂၀၀၇) လေးစားအပ်ပါသော မြန်မာနိုင်ငံ၏ဒီမိုကရေစီရရှိရေးအတွက် လက်နက်ကိုင်၊ လက်နက်မဲ့ နည်းမျိုးစုံဖြင့်တိုက်ပွဲဝင်နေကြသည့် ပြည်တွင်းပြည်ပမှ အဖွဲ့အစည်းများ ခေါင်းဆောင်များခင်ဗျား ......

မြန်မာနိုင်ငံ၏ကောင်းကျိုးချမ်းသာကိုလိုလားသော မြန်မာပြည်သူလူထု၏ကိုယ်စား အညတရမြန်မာနိုင်ငံသားတစ်ဦးအနေဖြင့် အနည်းငယ်အကြံပြု ပြောကြားလိုပါသည်။ ယခုအချိန်တွင် မြန်မာနိုင်ငံအတွင်းတွင် ဒီမိုကရေစီရရှိရေး၊ နိုင်ငံသားတိုင်း သာတူညီမျှအခွင့်အရေးရရှိရေး၊ စစ်အစိုးရ၏အုပ်ချုပ်ရေးဆုံးခန်းတိုင်စေရေးအတွက် နောက်ဆုံးနည်းလမ်းအဖြစ် လူထုတိုက်ပွဲအသွင်ဖြင့် လူထုနှင့်သံဃာပူးပေါင်းကာ စတင်တိုက်ပွဲဝင်နေကြပြီဖြစ်ပါသည်။၊ ယခင့်ယခင်ကာလများဆီက လူထုတိုက်ပွဲဖြစ်မြောက် အောင် ပုံဖော်တော့မည်ဟု လွတ်မြောက်နယ်မြေရှိ NCUB, NLD(LA), FDB ကဲ့သို့သော ဦးဆောင်အဖွဲ့အစည်း များက တရားဝင်ကြေညာချက်များထုတ်ပြန်ခဲ့ကြသည်ကို ကြားသိဖတ်ရှုခဲ့ရပါသည်ခင်ဗျား။

ထိုသို့ ကြေညာချက်များ၊ သတင်းထုတ်ပြန်ချက်များကို ဖတ်ရှုကြည့်ခဲ့ရာတွင် လူထုတိုက်ပွဲ ဖြစ်ပေါ်ဖို့သည် ပြည်တွင်းက လူထုအပေါ်တွင် အဓိကမူတည်သည်ဟူသော အာဘော်မျိုးကို ဖတ်ရှုခဲ့ရပါ သည်။ ယခုအချိန်တွင် မြန်မာပြည်တွင်းကလူထုသည် သံဃာတော်များ၏ဦးဆောင်မှုအောက်မှနေကာ လူထုတိုက်ပွဲအသွင်မျိုးတိုက်ပွဲဝင်ခဲ့သည်မှာ ရက်သတ္တတစ်ပတ်မျှ ကြာမြင့်ခဲ့ပြီဖြစ်သည်ကို လူကြီးမင်းတို့အသိပင်ဖြစ်ပါသည်။ ထိုအတောအတွင်း ကျဆုံးခဲ့ရသည့် ပြည်သူနှင့်သံဃာများစွာရှိနေသလို၊ လက်ရှိအဖမ်းဆီးခံ၊ အနှိပ်စက်ခံနေရသည့် ပြည်သူလူထုနှင့်သံဃာများလည်း များစွာရှိနေပြီဖြစ်ပါသည်။

ထို့ကြောင့် ယခုအချိန်သည် ပြည်တွင်း၏အင်အားကိုသာမက ပြည်ပမှ လူကြီးမင်းတို့ကပါ ၀ိုင်းဝန်းပါဝင်လုပ်ဆောင်ကြရမည့်ကာလဟု ယူဆမိပါသည်။ ထို့အတွက်ကြောင့် လွတ်မြောက်နယ်မြေမှ အဖွဲ့အစည်းများ၊ ခေါင်းဆောင်များ၊ လက်နက်ကိုင်၊ လက်နက်မဲ့ တိုက်ပွဲဝင် နေကြသူများအနေနှင့် ပြည် တွင်းကလူထုကြီး ၏သတ္တိကို လေးစားသောအားဖြင့်လည်းကောင်း၊ အားပြုခြင်းအားဖြင့်လည်းကောင်း၊ ပြည်ပလွတ်မြောက်နယ်မြေများမှနေ၍ နည်းလမ်းမျိုးစုံအသုံးပြုကာ ပြည်တွင်းကိုအထောက်အပံ့ပေးရန်အချိန်တန်ပြီဟု ယူဆမိပါသည်။ မြန်မာပြည်သူအားလုံး၏ဘုံရန်သူ သာသနာဖျက်မင်းဆိုးမင်းယုတ် နအဖစစ်အစိုးရအား ဘက်ပေါင်းစုံမှဖိအားပေးလုပ်ဆောင်သင့်ပြီဟု လည်းထင်မှတ်မိပါသည်။

မြန်မာနိုင်ငံ၏ ဒီမိုကရေစီအရေးလှုပ်ရှားမှုတွင် ဦးစီးဦးဆောင်လုပ်ဆောင်နိုင်သူအများစုမှာ နအဖမှ ဖမ်းဆီးထားသူများမှလွဲလျင် ပြည်ပတွင်သာရောက်ရှိနေကြပါသည်။ လူကြီးမင်းတို့အနေဖြင့် လူထုလိုက်ပါမှုကို တကူးတကစည်းရုံးစရာမလိုပဲ ယခုရရှိနေပြီဖြစ် သဖြင့် လွတ်မြောက်နယ်မြေအသီးသီးမှ ယခုမြန်မာနိုင်ငံ၏အခြေအနေနှင့်ကိုက်ညီသော နည်းဗျူဟာများချမှတ်ကာ စနစ်တကျ ဦးဆောင်မှုပေးစေလိုပါသည်။ နိုင်ငံရေးဆိုသည်မှာ လူထုလိုက်ပါလာအောင် စနစ်တကျစည်းရုံးလုပ်ဆောင်နိုင်လျှင် အောင်ပွဲရသည်ချည်း ဖြစ် သည်ကို လူကြီးမင်းတို့ သိရှိပြီးဖြစ်ပါလိမ့်မည်။

လွတ်မြောက်နယ်မြေရှိ ခေါင်းဆောင်များကဦးဆောင်မှုပေးလျှင် ပြည်တွင်းကပြည်သူလူထုသည်လိုက်ပါဖို့ အဆင်သင့်ဖြစ်နေကြသည့် အနေအထားကို ရောက်ရှိမြင်တွေ့နေရပြီ ဖြစ်ပါသည်။ ထို့ကြောင့် လွတ်မြောက်နယ်မြေအသီးသီးရှိ ခေါင်းဆောင်များက ဦးဆောင်ဦးရွက်ပြုပြီး ခေါင်းဆောင်မှုလိုအပ်နေသည့် ပြည်တွင်းမှမြန်မာပြည်သူလူထုကို လမ်းညွှန်ပေးစေလိုပါသည်။

ခေါင်းဆောင်များအနေနှင့် ကြေညာချက်များထုတ်ပြန်ရုံ၊ သံရုံးများရှေ့တွင်ဆန္ဒပြနေရုံမျှနဲ့ကျေနပ်မနေကြစေလိုပဲ မြန်မာနိုင်ငံဒီမိုကရေစီရရှိရေး၊ ပြည်သူလူထုလိုလားသော ပြည်ထောင်စုစစ်စစ်တည်ထောင်ရေးကို ပြည်တွင်းမှမြန်မာပြည်သူလူထုနှင့်ပူးပေါင်းလုပ်ဆောင်သင့်သည့်အချိန် ကျရောက်နေပြီဖြစ်ကြောင်း သတိထားမိစေလိုပါသည်။

၂၀၀၇၊ စက်တင်ဘာတိုက်ပွဲအတွင်းကျဆုံးသွားခဲ့ရသော သံဃာတော်များနှင့် ပြည်သူလူထုအာဇာနည်များကို လေးစားအသိအမှတ်ပြုသောအားဖြင့်သော်လည်းကောင်း၊ ပေါ်ပေါက်လာသော နိုင်ငံရေးအခြေအနေအခွင့်ကောင်းကို အမိအရဆုပ်ကိုင်သင့်သည်ကို သတိပြုစေချင်သောကြောင့်လည်းကောင်း၊ ဤအိတ်ဖွင့်ပေးစာကိုရေးသားရခြင်းဖြစ်ပါတယ်။

အမိနိုင်ငံတော်အကျိုးကိုလိုလားသူ
ရွှေဘိုသား(အညတြပြည်သူတစ်ဦး)

Oct 1, 2007

မိစ္ဆာများရဲ့ဘာသာမဲ့ စော်ကားမှု


ဒီနေ့ရတဲ့ ဓာတ်ပုံပါ ။ဘယ်လောက်ထိ ဘာသာတရားမဲ့ ၊ဥပဒေမဲ့ ၊လူသားချင်းစာနာမှု ကင်းမဲ့စွာ ရက်စက်ကြမ်းကြုတ်တဲ့ လုပ်ရပ်ပါလဲ ။??? ?။ စာဖက်သူကိုယ်တိုင်သာ ခံစား တုံ့ပြန်ပါတော့ဗျာ ။မိစ္ဆာတွေ ပါပဲ ။လူလိုသိတတ်ဖို့မရှိဘူး ။ဒီလိုရက်စက်မှုမျိုးကို ဘယ်နိုင်ငံမှာ မြင်ဖူးလဲ ။ဒီအသက်မဲ့ပုဂ္ဂိုလ်ဟာ သာမန်လူသားမဟုတ်ပါဘူး ။ဘုရားရဲ့ သားတော်ပါ ။လူသားတစ်ဦးသဖွယ် သဘောထားပါဦး လက်ခံနိုင်ဖွယ် ရှိလောက်စရာမတွေ့ဘူး ။လူမဆန်အောင် ရက်ရက်စက်စက် ညှင်းပမ်းနိပ်စက်ပြီး အသက်မဲ့သွားတဲ့ရုပ်ကလာပ်ကိုတောင် သဂြိင်္ုလ်ဖျောက်ဖျက်လိုစိတ်ပင်မရှိပါသလော ။
အသက်(၇၄)နှစ်ရှိပြီဖြစ်သော သေခါနီး အဖိုးကြီးတစ်ယောက်ဟာ ဘ၀ကူးကောင်းဖို့ မလုပ်ပဲ အဘယ်ကြောင့်ဤ၍ဤမျှ လူမဆန်စွာ ပြုကျင့်ရက်သနည်း။အာဏာကို လက်လွတ်ရမည် စိုး၍လော ။အာဏာလက်လွတ်ပြီးသည်နှင့်သူ့ကို ခုံရုံးတင်ခံရမှာကို ကြောက်ပြီး လုပ်မိလုပ်ရာ လုပ်နေတာလား ။ဒီလိုလုပ်ရုံနဲ့ မပြီး ဘူးဆိုတာ နားလည်ဖို့ကောင်းတယ် ။လာလိမ့်မယ် ။ဒီမိုကရေစီနည်းနဲ့ မဟုတ်လေဘူး ။လာလိမ့်မယ် သူ့အသက်ကို ခြွေမဲ့လူတွေ ၊ ရတဲ့နည်းနဲ့ဖြစ်အောင်လုပ်ကြလိမ့်မယ် ။နိုင်ငံကို အဓမ္မအနိုင်ကျင့်လုယူထားတဲ့လူတွေ အစိုးရလို့မသတ်မှတ်နိုင်ဘူးဟေ့ မိစ္ဆာတွေရေ . . .။နိုင်ငံနဲ့လူမျိုးနဲ့ ဘာသာတရားကို မငဲ့ကွက်ပဲ ရက်စက်တဲ့လူတွေ သတိကပ်နေကြ ကမ္ဘာမကြေဘူး ။
အောက်ကU Tube movieကတော့ သတင်းထောက်တစ်ဦး ၁.၁၀.၂၀၀၇မှာ လျှို့ဝှက်ရိုက်ကူးခဲ့တာပါ။